بۇگىن، 14 ماۋسىمدا، الماتى قالاسى جاستار ساياساتى باسقارماسىنىڭ قولداۋىمەن، الماتى قالاسى جاستار ساياساتىن دامىتۋ مەملەكەتتىك قورى جانە الماتى قالاسى پوليسيا دەپارتامەنتىنىڭ ەسىرتكى قىلمىسىنا قارسى كۇرەس باسقارماسىمەن بىرلەسىپ ۇيىمداستىرعان، ناشاقورلىقپەن كۇرەس ايلىعىنا ارنالعان «RYH-MARAFON» ءحىح جىل سايىنعى جالپىقالالىق سپارتاكياداسىنىڭ 2-كەزەڭى شاعىن فۋتبولدان كوماندالىق تۋرنير وتكىزىلدى: 12-13 جاس، 14-15 جاس جانە 16-17 جاس.
سپورتتىق ءىس-شارا قازاقستان رەسپۋبليكاسىنىڭ مەملەكەتتىك گيمنىنىڭ سالتاناتتى ورىندالۋىمەن اشىلدى، سودان كەيىن ءتۋرنيردىڭ باس تورەشىسى جينالعاندارعا ءسوز سويلەپ، قاتىسۋشىلارعا ءتۋرنيردىڭ بارلىق ەرەجەلەرىن ءتۇسىندىردى.
«ويىن قىزۋ، قىزىقتى ءوتتى، جاتتىقتىرۋشى-تالىمگەرلەر بالالاردى جىگەرلەندىردى، ءوز كەزەگىن كۇتىپ تۇرعان جانكۇيەرلەر جارىسقا قاتىسۋشىلاردى بارىنشا قولدادى»، - دەپ ءتۇسىندىردى جاستار ساياساتىن دامىتۋ مەملەكەتتىك قورىنىڭ ديرەكتورى م. ا. ارنايەۆا ج.ت.
بيىلعى جىلى دو اراسىنداعى شاعىن فۋتبول تۋرنيرىنە 36 كوماندا قاتىستى.
جارىس قورىتىندىسى بويىنشا جۇلدەلى ورىندار كەلەسىدەي ءبولىندى:
12-13 جاس ساناتىندا:
III ورىندى "ۇركەر"دەمالىس ورتالىعىنىڭ كومانداسى يەلەندى،
II ورىن - "جاس ورەن" دو،
I ورىن - "كوكجيەك City" دو؛
14-15 جاس ساناتىندا:
III ورىن - "بەلدەسۋ" دو،
II ورىن - "كوكجيەك City" دو،
I ورىن - "ورنەك" دو؛
16-17 جاس ساناتىندا:
III ورىن-"جاس-Art" دو،
II ورىن - "دارحان" دو،
I ورىن - "دوروجنيك" دو.
جەڭىمپاز كوماندالار قۇرمەت گراموتالارىمەن، كۋبوكتارمەن جانە سىيلاقتارمەن ماراپاتتالدى.
«RYH MARAFON» سپارتاكياداسى دەمالىس ورتالىقتارىنىڭ جاسوسپىرىمدەرى مەن جاستارى اراسىندا سالاۋاتتى ءومىر سالتىن ناسيحاتتاۋ، ولاردى جۇيەلى تۇردە دەنە شىنىقتىرۋ جانە سپورتپەن شۇعىلدانۋعا تارتۋ، كوماندالاردىڭ سپورتتىق دايىندىعىن كورسەتۋ جانە دەمالىس ورتالىقتارىنىڭ مىقتى سپورتشىلارى مەن كوماندالارىن انىقتاۋ ماقساتىندا جىل سايىن وتكىزىلەدى.
