رەيتينگتىڭ جاڭارتىلعان نۇسقاسىن ۇسىندى.
ايەلدەر تەننيسى قاۋىمداستىعى (WTA) جەكەلەي جانە جۇپتىق سىندا سپورتشىلار رەيتينگىنىڭ جاڭارتىلعان نۇسقاسىن ۇسىندى، دەپ حابارلايدى Almaty-akshamy.kz Sports.kz سايتىنا سىلتەمە جاساپ.
دەمالىس كۇندەرى ۋيمبلدون فينالىندا سەنساسيالىق جەڭىسكە جەتكەن قازاقستاننىڭ ءبىرىنشى راكەتكاسى ەلەنا رىباكينا 23-ورىندا قالدى. سەبەبى سوڭعى ۋيمبلدون تۋرنيرىندە رەسەي مەن بەلارۋس تەننيسشىلەرىنىڭ جارىستان شەتتەتىلۋىنە بايلانىستى رەيتينگتىك ۇپايلار ساراپقا سالىنباعان بولاتىن.
ەسكە سالساق، شەشۋشى كەزدەسۋدە رىباكينا تۋنيس سپورتشىسى ونس جابەردەن ايلاسىن اسىرىپ، قازاقستان تاريحىندا تۇڭعىش رەت ۇلكەن دۋلىعا ءتۋرنيرىنىڭ چەمپيونى اتاندى.
تاعى ءبىر قازاقستاندىق سپورتشى يۋليا پۋتينسيەۆا رەيتينگتە 32-ورىنعا تۇراقتادى.
ۇزدىك ۇشتىكتە يگا سۆەنتەك (پولشا)، انەتت كونتاۆەيت (ەستونيا) ەكىنشى، ماريا ساككاري (گرەكيا) ءۇشىنشى ورىندا.
جۇپتىق سىندا بەلگيالىق ەليزا مەرتەنس كوش باستاپ تۇرسا، قىتايلىق چجان شۋاي مەن چەح تەننيسشىسى كاتەرينا سينياكوۆا ۇزدىك ۇشتىككە ەندى. قازاقستاندىق اننا دانيلينا ءوزىنىڭ جەكە رەكوردىن تاعى دا جاڭارتىپ، 19-شى بولدى. رىباكينا - 63ء-شى (+2).