ءار ءوتىنىش 24/7 فورماتىندا شۇعىل قارالادى.
سۇراقتاردىڭ باسىم بولىگى وتباسىنداعى جانجالعا، بالالار مەن مۇعالىمدەر اراسىنداعى قارىم-قاتىناسقا، كوپ بالالى وتباسىلارعا بەرىلەتىن جاردەماقىلارعا، بۋللينگ جانە جازعى دەمالىستى ۇيىمداستىرۋعا قاتىستى بولعان، دەپ حابارلايدى Almaty-akshamy.kz مينيسترلىكتىڭ باسپا ءسوز قىزمەتىنە سىلتەمە جاساپ.
مىسالى، تەلەگرام-چاتقا اكەسىنەن تۇرمىستىق زورلىق-زومبىلىق كورگەن بالانىڭ اناسى شاعىمدانعان. ايەلدىڭ وتىنىشىمەن الماتى وبلىسىندا تۇراتىن وتباسىنا قامقورشىلىق ورگاندارى، اۋدان اكىمدىگىنىڭ قىزمەتكەرلەرى جانە پوليسيا قىزمەتكەرلەرى شۇعىل تۇردە جونەلتىلىپ، جاعداي باقىلاۋعا الىندى.
«ءبىز ءوتىنىش بەرۋشىلەردىڭ سۇراقتارىنا مۇمكىندىگىنشە جىلدام جاۋاپ بەرۋگە تىرىسامىز. تۇسكەن وتىنىشتەر بويىنشا اتا-انالار مەن بالالارعا قۇقىقتىق جانە پسيحولوگيالىق كومەك جەتىسپەيتىنىن بايقاۋعا بولادى. ءاربىر ءوتىنىشتى پىسىقتاپ، قاجەتتى كومەك كورسەتىپ، بارلىق ءمان-جاي انىقتالىپ، جاعداي تولىق شەشىلگەنشە ءار جاعدايدى ەرەكشە باقىلاۋدا ۇستايمىز»، - دەدى بالالاردىڭ قۇقىقتارىن قورعاۋ كوميتەتى ءتوراعاسىنىڭ ورىنباسارى ەلينا پاۋلي.
ءار ءوتىنىش 24/7 فورماتىندا شۇعىل قارالادى. تەلەگرام-چات بالالاردىڭ قۇقىعىن بۇزۋ، كامەلەتكە تولماعاندارعا قاتىستى زورلىق-زومبىلىق نەمەسە قاتىگەزدىك كورسەتۋ جاعدايلارىن جىلدام انىقتاۋعا جانە شەشۋگە كومەكتەسەدى، - دەيدى وقۋ-اعارتۋ مينيسترلىگىنىڭ وكىلى.
تەلەگرام-چات ارقىلى وقۋشىلار اراسىنداعى بۋللينگ فاكتىسى دە انىقتالدى. ماسەلەن، Bala Qorgau telegram-بوتىنا قىسقا بويى مەن ەرەكشە كەلبەتى ءۇشىن سىنىپتاستارىنىڭ مازاعىنا قالعان وقۋشىدان حات ءتۇستى. ماماندار بالامەن جانە ونىڭ سىنىپتاستارىمەن اڭگىمەلەسىپ، جانجال شەشىلدى.
سونداي-اق وقۋشىلار اراسىنداعى اقشا تالاپ ەتۋ جاعدايلارىنا قاتىستى وتىنىشتەر دە تۇسەدى. مىسالى، تەلەگرام-چاتقا وبلىستاردىڭ بىرىنەن 11-سىنىپ وقۋشىسى حابارلاستى. كوميتەت وكىلدەرى وقۋشىلار اراسىندا قاجەتتى جۇمىستاردى جۇرگىزىپ، پەداگوگتەردىڭ نازارىن وسى ماسەلەگە اۋداردى. ناتيجەسىندە بۇل ماسەلە شەشىلدى.
«بالالارعا پسيحولوگيالىق قولداۋ قاجەت. كوپتەگەن اتا-انا جۇمىستان قولى بوسامايدى جانە بالالارىنا كوپ ۋاقىت بولە بەرمەيدى. سول سەبەپتى اتا-انالاردان بالالارىنا كوڭىل ءبولىپ، اڭگىمەلەسۋىن، ولارمەن جاقىن بولۋىن سۇرايمىز. وسىلايشا قايعىلى جاعدايلاردى بولدىرماۋعا بولادى»، - دەپ ءتۇسىندىردى ەلينا پاۋلي.
بالالاردىڭ قۇقىقتارىن قورعاۋ كوميتەتى ءوتىنىش بەرۋشىنىڭ بارلىعىنا قۇقىقتىق جانە پسيحولوگيالىق قولداۋ كورسەتەدى. بۇل باعىتتاعى جۇمىستار جالعاسىن تابادى.