قازاقستاننىڭ ءبىرىنشى راكەتكاسى ەلەنا رىباكينا كاتار استاناسى دوحادا ءوتىپ جاتقان WTA 1000 تۋرنيرىندە امەريكالىق ەمما ناۆاررونى جەڭىپ، جارىستىڭ شيرەك فينالىنا شىقتى.
ماچ ءۇش سەتكە سوزىلىپ، 6:1، 6:7، 6:4 ەسەبىمەن رىباكينا جەڭىسكە جەتتى، دەپ حابارلايدى اlmaty-akshamy.kz.
«ءبىز ەممامەن وتە ەرتەرەكتە ءبىر رەت ويناعانبىز، ول كەزدە جاس ەدىك. ءقازىر ول تاجىريبە جيناپ، كۇشەيگەنى كورىنىپ تۇر. بۇگىن وتە قىزىقتى ءارى قيىن ماچ بولدى مەن ءۇشىن. ەكىنشى سەتتە ماچتى اياقتايتىن ساتتەر بولدى، ءبىراق قارسىلاسىم قاتەلىككە جول بەرمەدى. جەڭگەنىم ءۇشىن قۋانىشتىمىن»، - دەدى رىباكينا ماچتان كەيىن.
كەلەسى كەزدەسۋدە جەرلەسىمىز كانادالىق لەيلا فەرناندەسپەن ءوزارا مىقتىنى انىقتايدى.