قازاقستان حالقى اسسامبلەياسى مەن ونىڭ جاستار قاناتى جاستاردى دامىتۋعا جانە شوعىرلاندىرۋعا باعىتتالعان ماڭىزدى جالپىمەملەكەتتىك مىندەتتەردى ورىندايدى، اسىرەسە الماتىدا جاس باستامالاردى تارتۋدىڭ جەتەكشى ورتالىقتارىنىڭ ءبىرى. قحا-نىڭ تابىستى قىزمەتى تۇرعىسىنان مەگاپوليستىڭ باستى ءرولى مەن تۇراقتى كوشباسشىلىق ءۇردىسى تۋرالى قازاقستاننىڭ ۇيعىر جاستار وداعىنىڭ ءتوراعاسى رۋستام قايرىەۆ ايتىپ بەردى، دەپ حابارلايدى aqshamnews.kz
«الماتىدا جاڭا ۇرپاقتى دامىتۋ ءۇشىن بارلىق جاعداي جاسالعان: جاستار ۇيىمدارى بىرىگىپ ءوزارا ءىس-قيمىل جاسايتىن جاڭا الاڭدار اشىلۋدا. جارقىن مىسالداردىڭ ءبىرى — مەدەۋ اۋدانىنىڭ كوميۋنيتي ورتالىعى. جاستار ساياساتى باسقارماسىمەن بولعان مەموراندۋم اياسىندا ول جاستار اسسامبلەياسىنىڭ باسقارۋىنا بەرىلدى. مۇندا ءبىز وقىتۋ مەن جۇمىسقا ورنالاسۋدان باستاپ شىعارماشىلىق قاۋىمداستىقتار مەن ءتىل كلۋبتارىنا دەيىنگى جوبالاردىڭ تولىق سپەكترىن جۇزەگە اسىرامىز».
قايرىيەۆتىڭ ايتۋىنشا، ءقازىردىڭ وزىندە 1200-دەن استام جاس جۇمىسقا ورنالاستىرىلعان، 2000-عا جۋىعى تەگىن كۋرستاردا جاڭا داعدىلارعا ۇيرەتىلگەن. ورتالىق شىعارماشىلىق قاۋىمداستىقتاردى: سۋرەتشىلەردى، موبيلوگرافتاردى، اكتەرلەردى دامىتۋ الاڭىنا اينالدى. ۆوكال، شەشەندىك ونەر، قازاق جانە اعىلشىن تىلدەرىن وقىتۋ، ونىڭ ىشىندە قالالىق افريكا ورتالىعىمەن سەرىكتەستىكتە ساباقتار اشىلدى.
قايرىەۆتىڭ ايتۋىنشا، ەكولوگيا ماسەلەلەرىنە ەرەكشە كوڭىل بولىنەدى. الماتى – «تازا قازاقستان»، «راحمەت جەر انا»، «باتارەيانى تاپسىر — جەردىڭ دەنساۋلىعىن ساقتا» اكسيالارىنىڭ جانە جاستاردى ورنىقتى دامۋ يدەياسى توڭىرەگىندە بىرىكتىرەتىن باسقا دا باستامالاردىڭ فلاگمانى.
«جاستار اسسامبلەياسى كرەاتيۆتى يندۋستريالاردى بەلسەندى دامىتۋدا. Jastar Generation حالىقارالىق لاگەرى، بولاشاقتىڭ توپ-50 كاسىپتەرىنىڭ كاسىپتىك باعدارلاۋ باعدارلاماسى جانە كرەاتيۆتەگى ەلشىلىك باستاماسى سياقتى جوبالار 9000-نان استام جاستاردى قامتىدى. سونىمەن قاتار، ايماقتار دا ءبىزدىڭ تاجىريبەمىزگە قىزىعۋشىلىق تانىتۋدا-ولار وزدەرى بىزگە كەڭەس الۋ ءۇشىن كەلەدى».
سونىمەن قاتار، الماتى ماسليحاتىمەن بىرلەسىپ «جاس ساياساتكەرلەردىڭ «قايراتكەر» مەكتەبى» جوباسى ىسكە قوسىلدى، وندا جاستار بىرەگەي تاجىريبە الادى: وتىرىستارعا قاتىسادى، دەپۋتاتتاردىڭ قوعامدىق كومەكشىلەرىنە اينالادى جانە زاماناۋي كوۋچينگ فورماتىندا وقيدى.
«ءبىزدىڭ ماقساتىمىز-جاستاردى قحا-عا بىرىكتىرۋ عانا ەمەس، ونىڭ دامۋىنا جان-جاقتى ىقپال ەتۋ. بۇل قازىرگى قالاداعى كەز-كەلگەن قوعامدىق قۇرىلىمدار جۇمىسىنىڭ ماڭىزدى بولىگى»، - دەپ تۇيىندەدى ءسوزىن جاستار كوشباسشىسى