حالىق ءارتىسى بۇگىن قازاق حالقىنىڭ ومىرىندەگى تاريحي كۇن دەپ اتاپ ءوتتى.
قازاقستاننىڭ حالىق ءارتىسى روزا رىمبايەۆا ۇلى ءالي وقاپوۆپەن بىرگە №17 مەكتەپ-ينتەرناتىندا ورنالاسقان №387 سايلاۋ ۋچاسكەسىنە ءوز كانديداتىنا داۋىس بەرۋگە كەلدى.
«ءبىز لايىقتى ەل باسشىسىن تاڭداپ جاتىرمىز. سانالى ازامات رەتىندە مەن ءوزىم تاڭداعان كانديداتىما داۋىس بەرۋگە كەلدىم جانە ونى ەڭ لايىقتى دەپ ەسەپتەيمىن. ءاربىر ازاماتتىڭ قاتىسۋى مەن ءۇنى وتە ماڭىزدى، ويتكەنى ەلدىڭ بولاشاعى سوعان بايلانىستى»، - دەدى روزا رىمبايەۆا.
ءانشىنىڭ ۇلىنىڭ ايتۋىنشا، بۇرىن ول گاسترولدىك كەستەنىڭ تىعىزدىعىنا جانە سايلاۋ ۋچاسكەسىنىڭ ورنالاسقان جەرىنە بايلانىستى داۋىس بەرە الماعان.
"بۇل جولى مەنىڭ جولىم بولدى، سايلاۋ ۋچاسكەسى ءوز اۋلامدا ورنالاسقان، مەن وسىدان 50 مەتر جەردە تۇرامىن. ومىرىمىزدەگى جانە ەل ومىرىندەگى سوڭعى وقيعالارعا بايلانىستى قاتىسپاۋ دۇرىس ەمەس دەپ شەشتىم. مەنىڭ داۋسىم ماڭىزدى جانە مەن ازامات رەتىندە ءوز پارىزىمدى ورىنداۋىم كەرەك، مەن داۋىس بەردىم جانە ءوز تاڭداۋىمدى جاسادىم جانە ءاربىر قازاقستان ازاماتى سولاي ىستەۋى كەرەك» دەپ ءتۇسىندىم"، - دەدى ءانشىنىڭ ۇلى ءالي وقاپوۆ.