37 جاستاعى ويىنشى جەتى جىلدىق ىنتىماقتاستىق كەزىندە ميلليارد ەۋرودان استام تابىس تاپپاقشى
پورتۋگاليا شابۋىلشىسى كريشتيانۋ رونالدۋ ساۋد ارابياسىنىڭ «ال-ناسر» كلۋبىمەن ۇزاق مەرزىمدى كەلىسىمشارتقا قول قويدى، دەپ حابارلايدى قازاقپارات ءتىلشىسى.
Marca باسىلىمىنان ءمالىم ەتكەنىندەي، تاراپتار ءوزارا كەلىسكەن، تاياۋ ۋاقىتتا بۇل تۋرالى رەسمي تۇردە جاريا ەتپەكشى.
«كريشتيانۋ رونالدۋ «ال-ناسر» كلۋبىمەن 2030 جىلعا دەيىنگى كەلىسىمشارتقا قول قويدى. ەكى جىل جارىم ۋاقىت بويى رونالدۋ ويىنشى ەسەبىندە بولماق. قالعان مەرزىمدە 2030 جىلعى فۋتبولدان الەم چەمپيوناتىن وتكىزۋگە ساۋد ارابياسى، مىسىر جانە گرەكيانىڭ ءوتىنىم ەلشىسى رەتىندە قىزمەت ەتپەك»، - دەپ جازادى باسىلىم.
پورتۋگاليالىق جۇلدىز كەلگەننەن كەيىن «ال-ناسر» كلۋبى ءبىرقاتار ويىنشىنىڭ قىزمەتىنەن باس تارتپاق. بۇل ارگەنتينالىق جارتىلاي قورعاۋشى گونسالو مارتينەس پەن وزبەكستاندىق شابۋىلشى جالوليددين ماشاريپوۆكە قاتىستى.
الدىن الا مالىمەت بويىنشا، رونالدۋ 2،5 جىل جارىم ۋاقىت بويى ويىنشى رەتىندە ماۋسىم سايىن 200 ملن-داي ەۋرو الادى. الەم چەمپيوناتىن وتكىزۋگە ەلشى قىزمەتىنە كىرىسكەننەن كەيىن بۇل قارجى ەسەلەنە تۇسپەك.
وسىلايشا، 37 جاستاعى ويىنشى جەتى جىلدىق ىنتىماقتاستىق كەزىندە ميلليارد ەۋرودان استام تابىس تاپپاقشى.
ەسكە سالا كەتەيىك، بۇدان بۇرىن مەسسيدىڭ الەم چەمپيوناتىندا قاقپاعا ەڭ كوپ سوققى جاساعان ويىنشى اتانعانىن جازعان بولاتىنبىز.
سونداي-اق قازاقستان ۇلتتىق قۇراماسىنىڭ فيفا رەيتينگىندەگى ورنى انىقتالدى.