«رومانتيك»، «يۋپيتەر»، «يدەل» ماگنيتوفوندارى سىزگە تانىس پا؟

الماتىدا 100-دەن استام اۋديوتەحنيكا جيناقتالعان كورمە وتۋدە. 

الماتى تۇرعىنى اندرەي كليمەنكو كوپ جىلدان بەرى اۋديوتەحنيكا جيناۋمەن اۋەستەنەدى. ءقازىر شاعىن مۇراجايىندا 120-دان استام جادىگەر بار، دەپ حابارلايدى Almaty-akshamy.kz 24.kz-كە سىلتەمە جاساپ. 

1959 جىلدان باستاپ 1993 جىلعا دەيىن شىققان ماگنيتوفونداردى اندرەيدىڭ مۇراجايىنان تابا الاسىز. كەيبىرىنىڭ سالماعى 20 كەلى تارتادى. ءبىر كەزدەرى جالىندى جاستاردىڭ قولىنان تۇسپەگەن «رومانتيك» ماگنيتوفونىنان باستاپ، «يۋپيتەر»، «يدەل» جانە «كومەتا» دا مۇراجايدان ورىن تاپقان. كليمەنكو بارلىق اۋديو-تەحنيكاعا اسا ۇقىپتىلىقپەن قاراعان. كونەرگەن تەحنيكانىڭ كەيبىرى ءالى ىستەپ تۇر. كەلۋشىلەردى جان-جاقتى تانىستىرۋ ءۇشىن كەيبىر ەكسپونات بولشەكتەنگەن كۇيىندە قويىلىپتى.

«مۇنداعى تەحنيكانىڭ بارلىعى ەسكى بولعاندىقتان پروفيلاكتيكالىق جۇمىستار قاجەت. قازىرگى جاستار ونىڭ نەدەن جانە قالاي جاسالعانىن تۇسىنە بەرمەيدى. سوندىقتان ءبىز «ىستىقكول-101» ماگنيتوفونىن كورسەتەتىن ەكسپونات جاسادىق. مۇنىڭ ىشكى قۇرىلىمدارى وتە كۇردەلى. ول جەردە تەك MP3 ويناتقىشى عانا ەمەس، سونىمەن قاتار كوپتەگەن قيىن ەلەمەنتتەرى بار»، - دەيدى كوللەكسيونەر اندرەي كليمەنكو.