20-21 ساۋىردە الماتىدا IX ەۋرازيالىق مونوپولياعا قارسى فورۋم وتەدى، دەپ حابارلايدى almaty-akshamy.kz
ەاەو جانە ورتالىق ازيا ەلدەرىندەگى باسەكەلەستىك پەن مونوپولياعا قارسى رەتتەۋ سالاسىنداعى جىل سايىنعى باستى وقيعا. فورۋم ەۋرازيالىق ەكونوميكالىق كوميسسيانىڭ قولداۋىمەن وتۋدە. بيىلعى جىلدان باستاپ فورۋمنىڭ نەگىزگى ۇيىمداستىرۋشىسى – قازاقستان، رەسەي، بەلارۋس، مولدوۆا، قىرعىزستان، وزبەكستان ەلدەرىنىڭ ساراپشىلارى باس قوسقان كاسىبي ۇيىم – مونوپولياعا قارسى ساراپشىلاردىڭ ەۋرازيالىق اليانسى. 20 ساۋىردە فورۋم اياسىندا اليانستىڭ رەسمي تۇساۋكەسەرى وتەدى.
فورۋمنىڭ نەگىزگى سۇراقتارى:
• ەۋرازيالىق ايماق ەلدەرىندەگى باسەكەلەستىكتى دامىتۋدىڭ وزەكتى ماسەلەلەرى. ەكونوميكاعا مەملەكەتتىڭ قاتىسۋىنىڭ ءرولى
• مونوپولياعا قارسى رەتتەۋدىڭ ەلدىڭ ينۆەستيسيالىق احۋالىنا اسەرى
• مونوپولياعا قارسى تاۋەكەلدەردىڭ الدىن الۋ جانە تومەندەتۋ بويىنشا پراكتيكالىق شارالار
• قازىرگى الەمدە ۇستەمدىك ەتەتىن كومپانيالاردىڭ باعاسى
اعىمداعى جىلى فورۋم اياسىندا ەاەو-نىڭ بۋحگالتەرلىك ەسەپ جانە اۋديت قىزمەتتەرى ءۇشىن ترانسشەكارالىق شەشىمدەردى قابىلداۋمەن نارىقتاعى باسەكەلەستىكتى قورعاۋ، سونداي-اق اۋىل شارۋاشىلىعى سالاسى نارىعىن دامىتۋ جانە قورعاۋ ماسەلەلەرى بويىنشا تالقىلاۋلار وتەدى.
قازاقستان رەسپۋبليكاسى جوعارعى سوتىنىڭ سۋديالارىنىڭ قاتىسۋىمەن وتەتىن كەزەكتەن تىس وتىرىس مونوپولياعا قارسى داۋلار بويىنشا دالەلدەۋ جانە ساراپتامالىق بىلىمدەردى پايدالانۋ ماسەلەلەرىنە ارنالادى.
فورۋمعا قاتىسۋ ەاەو جانە قازاقستانداعى مونوپولياعا قارسى رەتتەۋدىڭ كەلەشەگى تۋرالى بىلۋگە، مونوپولياعا قارسى ورگانمەن ءتيىمدى بايلانىس تۋرالى پراكتيكالىق ءبىلىم الۋعا، رەتتەۋشىگە تىكەلەي سۇراقتار قويۋعا جانە جاڭا ىسكەرلىك بايلانىستار ورناتۋعا مۇمكىندىك بەرەدى.
فورۋم سپيكەرلەرى:
وماروۆ مارات تالعات ۇلى
قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى
سۇلتانوۆ باقىت تۇرلىحان ۇلى
ەۋرازيالىق ەكونوميكالىق كوميسسيانىڭ باسەكەلەستىك جانە مونوپولياعا قارسى رەتتەۋ جونىندەگى القا مۇشەسى (مينيستر) (بەينە حابارلاما)
شاققالييەۆ ارمان اباي ۇلى
قازاقستان رەسپۋبليكاسى ساۋدا جانە ينتەگراسيا ءبىرىنشى ۆيسە-مينيسترى
سىگانوۆ اندرەي گەنناديەۆيچ
رەسەيدىڭ فەدەرالدىق مونوپولياعا قارسى قىزمەتى باسشىسىنىڭ ورىنباسارى
ديەۆيد نايت
دۇنيەجۇزىلىك بانكتىڭ قارجىلىق، ينستيتۋسيونالدىق جانە تەڭ مۇمكىندىكتەر بويىنشا جاھاندىق تاجىريبە توبىنىڭ ورتالىق ازياداعى جەتەكشى ەكونوميست جانە باعدارلاما مەنەدجەرى
يۆانوۆ الەكسەي يۋريەۆيچ
بريكس حالىقارالىق باسەكەلەستىك قۇقىعى جانە ساياساتى ورتالىعىنىڭ ديرەكتورى، HSE-سكولكوۆو زاڭ ينستيتۋتىنىڭ ديرەكتورى. «مونوپولياعا قارسى ساراپشىلاردىڭ ەۋرازيالىق اليانسى» ۇەۇ كەڭەسىنىڭ مۇشەسى، باسقا سپيكەرلەر.
ب ا ق اككرەديتاسياسى:
ب ا ق وكىلدەرىن الماتىدا، InterContinental Almaty قوناقۇيىندە وفلاين رەجيمىندە وتەتىن فورۋمنىڭ ءبىرىنشى كۇنىنىڭ ءبىرىنشى سەسسياسىنا قاتىسۋعا شاقىرامىز. ۋاقىتى: 20 ءساۋىر 09.00-12.00
اككرەديتتەۋ ءۇشىن ب ا ق وكىلدەرىنىڭ دەرەكتەرىن zh.zhumabekova@azrk.gov.kz ەلەكتروندىق مەكەنجايىنا تولىق ءاتى-جونى، ب ا ق اتاۋى، ۇيالى تەلەفون ءنومىرى، ەلەكتروندىق پوشتا مەكەنجايى ارقىلى جىبەرۋىڭىزدى سۇرايمىز. باق-تى اككرەديتتەۋ ساعات 18.00-گە دەيىن جۇرگىزىلەدى. 18 ءساۋىر، 2023 جىل.
بايلانىس تەلەفوندارى: 8 701 110 7007؛ 8 7172 75 16 41 جانار جۇمابەكوۆا قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگىنىڭ كوممۋنيكاسيالار جونىندەگى كەڭەسشىسى.
بارلىق اقپارات جانە تولىق باعدارلاما https://www.eurasianantitrustforum.com/ سىلتەمەسىندە.