ق ر سىرتقى ىستەر ءمينيسترىنىڭ ورىنباسارى رومان ۆاسيلەنكو ەقىۇ دياقب-نىڭ ەلىمىزدەگى سايلاۋعا قاتىستى مالىمدەمەسىنە قاتىستى پىكىر ءبىلدىردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
وسى ورايدا ول قازاقستاننىڭ سىرتقى ىستەر مينيسترلىگى ەۋروپا قاۋىپسىزدىك جانە ىنتىماقتاستىق ۇيىمىنىڭ ەلىمىزدەگى سايلاۋعا بەرگەن باعاسىنا قاتىستى ءتيىستى ۇستانىمى جاريالانعانىن ەسكە سالدى.
«ەقىۇ اياسىندا ءبىرقاتار ينستيتۋت جۇمىس ىستەيدى. سونداي ينستيتۋتتاردىڭ ءبىرى – دەموكراتيالىق ينستيتۋتتار جانە ادام قۇقىقتارى جونىندەگى بيۋرو. بۇل ورگان ەقىۇ-عا مۇشە ەلدەردىڭ بارلىعىندا ءالى بەكىتىلمەگەن بەلگىلى ءبىر ەرەجەلەر نەگىزىندە جۇمىس ىستەيدى. بۇل ءوز كەزەگىندە سايلاۋ ناۋقانىنىن بايقاۋ ەرەجەلەرىنە قاتىستى»، - دەدى رومان ۆاسيلەنكو ماجىلىستە تىلشىلەر سۇراعىنا جاۋاپ بەرە وتىرىپ.
ول 2010 جىلى دياقب اياسىندا №6 سايلاۋدى بايقاۋ بويىنشا كەيبىر نۇسقاۋلار دەربەس بەكىتىلگەنىن اتاپ ءوتتى. الايدا ولار ەقىۇ-عا مۇشە مەملەكەتتەردىڭ ۇستانىمدارى بويىنشا پىكىرىن ەسەپكە الماعان.
«ەقىۇ دياقب ۇيىمعا مۇشە مەملەكەتتەرگە دەموكراتيالىق ينستيتۋتتاردى دامىتۋدا كومەك كورسەتۋى ءتيىس. بۇل ءوز كەزەگىندە دياقب سايلاۋدى بايقاۋعا نەمەسە بەلگىلى ءبىر ورگاندارمەن ىنتىماقتاسۋعا شاقىرعان ەقىۇ-عا مۇشە مەملەكەتتەرگە كومەك كورسەتۋى كەرەك دەگەندى بىلدىرەدى. اتاپ ايتقاندا، بيىلعى ماۋسىم ايىندا دياقب مەن قازاقستان رەسپۋبليكاسىنىڭ ادام قۇقىقتارى جونىندەگى ۋاكىلى اراسىندا ىنتىماقتاستىق تۋرالى مەموراندۋم جاسالدى»، - دەدى ر. ۆاسيلەنكو.
سونىمەن قاتار ول دياقب بەرگەن باعا ەقىۇ-عا مۇشە مەملەكەتتەر قابىلدايتىن نەمەسە قابىلداماۋى مۇمكىن ۇسىنىمدار ساناتىنا جاتاتىنىن جەتكىزدى.
«وسى جىلدىڭ وزىندە دياقب فرانسيا، اقش، ماجارستان جانە سەربياداعى سايلاۋعا بايقاۋشى رەتىندە قاتىستى. بۇل تۇرعىدا وسى مۇشە مەملەكەتتەرگە ارناپ ۇسىنىستارى بار باياندامالار جاريالاندى. ءار مۇشە مەملەكەت دياقب جاريالاعان ۇسىنىستارعا قاتىستى ءوز باعىتىن دەربەس قاراستىرادى. ءبىز دياقب-مەن ودان ءارى ىنتىماقتاستىققا مۇقيات قارايتىن بولامىز»، - دەدى ءمينيستردىڭ ورىنباسارى.