رومان سكليار: ەندى ۋتيل الىمىي تۋرالى ءسوز قوزعامايمىن
بۇگىن پرەمەر-مينيستردىڭ ورىنباسارى رومان سكليار ۋتيل الىمى جويىلمايتىنىن بايقاتتى، دەپ حابارلايدى Almaty-akshamy.kz Elorda.info-عا سىلتەمە جاساپ.
«مەن بۇل ماسەلە جونىندە ءبىر ەمەس، بىرنەشە رەت پىكىرىمدى ءبىلدىردىم. بۇل تاقىرىپتى بۇدان بىلاي قوزعامايتىنىمدى اتاپ وتەيىن، ويتكەنى بۇل ءبارىمىز ءۇشىن دە، سىزدەر ءۇشىن دە بەسەنەدەن بەلگىلى شارۋا. ءبىراق بۇگىن تاعى دا ايتامىن: پوپۋليستەر كەز كەلگەن ۋاقىتتا ايتسىن، اكسيالاردى وتكىزە بەرسىن. ءبىراق ۇكىمەت ونەركاسىپتى دامىتۋ ءۇشىن جۇمىس ىستەيدى»، - دەدى ر.سكليار.
ونىڭ ايتۋىنشا، باستى مىندەت – ساپالى ءالى ونىمدىلىگى جوعارى جۇمىس ورىندارىن قۇرۋ. سونداي-اق ول، مەملەكەت جاستاردى وقىتىپ، ولار زامانعا ساي كاسىپورىنداردا جۇمىس ىستەۋى كەرەكتىگىن ايتتى. قازاقستان تەك ازىق-تۇلىك جانە كولىك سالاسىندا عانا ەمەس، ونەركاسىپتىك قاۋىپسىزدىك تۇرعىسىنان دا تاۋەلسىز بولۋعا ءتيىس ەكەنىن دە جەتكىزدى.