پرەمەر-مينيستردىڭ ءبىرىنشى ورىنباسارى رومان سكليار استانادا قۇرىلىس جۇمىسى جۇرگىزىلىپ جاتقان ءبىرقاتار سپورت نىسانىن ارالادى، دەپ حابارلادى ۇكىمەتتىڭ باسپا ءسوز قىزمەتى، دەپ حابارلايدى almaty-akshamy.kz
ول تۋريزم جانە سپورت ءمينيسترى ەرمەك مارجىقپايەۆ، استانا قالاسىنىڭ اكىمى جەڭىس قاسىمبەك جانە ءماسليحات ءتوراعاسى ماسلان كاناليموۆپەن بىرگە الدىمەن قۇرىلىسى ءجۇرىپ جاتقان ۇلتتىق سپورت ۋنيۆەرسيتەتىندە بولدى. ونى 2025 جىلى اياقتاۋ جوسپارلانعان. جوو-نى ىسكە قوسۋ كادرلاردى دايارلاۋدان باستاپ، سپورتتاعى ۇلكەن جەتىستىكتەرگە دە ىقپال ەتەدى.
سونىمەن قاتار V دۇنيەجۇزىلىك كوشپەندىلەر ويىندارىنا دايىندىق اياسىنداعى سپورت نىساندارىنا باردى.
سونداي-اق پرەمەر-مينيستردىڭ ءبىرىنشى ورىنباسارى سپورت نىساندارىنىڭ ينفراقۇرىلىمىن دايىنداۋ، كىرمە جولداردى قامتاماسىز ەتەتىن نەگىزگى ماگيسترالداردى جوندەۋ جانە ءىس-شارالار وتكىزىلەتىن اۋماقتاردى اباتتاندىرۋ جۇمىستارىنان حاباردار ەتىلدى، - دەلىنگەن حابارلامادا.
بۇعان «قازانات» يپپودرومىن، وعان كىرەبەرىس جولدى كەڭەيتۋ، تريبۋنالاردى كۇردەلى جوندەۋ، ات قورالار سالۋ، كوكپار الاڭدارى جانە ت.ب. كىرەدى. سونداي-اق «استانا-ارەنا»، «الاۋ» جانە «بارىس ارەنا» مۇز سارايلارىنىڭ ىرگەلەس اۋماقتارىن كەشەندى اباتتاندىرۋ جۇمىسى تەكسەرىلدى.
ايتا كەتەرى، دۇنيەجۇزىلىك كوشپەندىلەر ويىندارى ۇلتتىق مۋزەي، ۇشكەمپىروۆ اتىنداعى جەكپە-جەك سارايى، «دۋمان» قوناق ءۇيى جانە «قازاقستان» جەڭىل اتلەتيكا سپورت كەشەنى اۋماعىندا وتەدى.