ليۋكس ساناتتى كولىكتەر وندىرەتىن Rolls-Royce العاشقى ەلەكترموبيلىن جاساپ شىعاردى.
ول قۋات كوزىنسىز 515 شاقىرىم قاشىقتىقتى ەڭسەرە الادى. تەمىر تۇلپار كەلەر جىلدىڭ سوڭىندا جاپپاي ساتىلىمعا شىعارىلۋى ءتيىس. جانارمايمەن جۇرەتىن كولىكتەن اۋاعا بولىنەتىن زياندى زاتتار پارنيكتىك گازداردىڭ نەگىزىگى كوزى سانالادى، دەپ حابارلايدى Almaty-akshamy.kz 24.kz-كە سىلتەمە جاساپ.
وسىعان بايلانىستى كەيىنگى ۋاقىتتا كليماتتىڭ وزگەرۋى تۋرالى كوپ ايتىلىپ، الەم ەلدەرى ەلەكترموبيلدەردىڭ ءوندىرىسىن ارتتىرىپ جاتىر. بىلتىر الەمدە 6،5 ملن-نان اسا وسىنداي كولىك ساتىلعان. بۇل 2020 جىلمەن سالىستىرعاندا ەكى ەسە كوپ.
تورستەن ميۋللەر-وتۆوس، Rolls-Royce Motor Cars باس ديرەكتورى: - 1900-شى جىلدارى Rolls-Royce كومپانياسىنىڭ نەگىزىن قالاۋشىلاردىڭ ءبىرى چارلز روللس كولىكتىڭ جانارمايمەن ەمەس، ەلەكتر ەنەرگياسىمەن جۇرگەنى دۇرىس دەگەن. ەڭ باستىسى، ونى قۋاتتاۋعا قاتىستى ماسەلە شەشىلۋ قاجەتتى تۋرالى ايتقان. سول ۋاقىتتان بەرى قانشاما جىل ءوتتى. ەندى مىنە، بۇگىن رولسستىڭ ايتقانى كەلىپ وتىر، - دەيدى.