يوردانيا استاناسى اممان قالاسىندا ءوتىپ جاتقان ازيا چەمپيوناتىندا ەركىن كۇرەستەن قازاقستاندىق ريزابەك ايتمۇحان (97 كەلى) كۇمىس جۇلدەگەر اتاندى، دەپ حابارلايدى aqshamnews.kz.
ۇوك مالىمەتىنشە، وتانداسىمىز جارتىلاي فينالدا يراندىق موحاممادموبين ازيميدەن باسىم ءتۇستى. تارتىستى وتكەن بەلدەسۋدە قازاقستاندىق بالۋان 2:0 ەسەبىمەن جەڭىسكە جەتتى.
ريزابەك فينالدا جاپونيالىق اراش وشيدامەن بەلدەستى.
بەلدەسۋ بارىسىندا قارسىلاستار تارتىستى باسەكە وتكىزدى. العاشقى مينۋتتا جاپونيالىق بالۋاننىڭ بەلسەندىلىگى بايقالدى. ول قاتارىنان ءۇش ۇپاي ولجالاپ كەتتى.
بەلدەسۋدىڭ ەكىنشى اينالىمىندا جاپونيالىق ۇپاي قورىن ءتورت ۇپايعا مولايتسا، ريزابەك نەبارى ءبىر عانا ۇپايدى مىسە تۇتتى.
وسىلايشا قازاقستاندىق بالۋان قارسىلاسىنا 1:7 ەسەبىمەن جەڭىلىپ، كۇمىس مەدالدى قاناعات تۇتتى.
ەكى جىل بۇرىن ازيا چەمپيوناتندا اتالعان قارسىلاسىنان 3:11 ەسەبىمەن جەڭىلىپ قالعان ەدى.