VIP نومىرلەر نارىعى تاڭ قالدىرۋدان جالىقتىرار ەمەس.
ەلدەگى كولىك يەلەرى ءبىر جىلدا قىمبات نومىرلەر ءۇشىن شامامەن 16 ميلليارد تەڭگە جۇمساعان، دەپ حابارلايدى aqshamnews.kz.
ۇزدىك ۇشتىك:
– الماتى – 5 ملرد تەڭگەگە جۋىق.
– استانا – شامامەن 2،5 ملرد تەڭگە.
– شىمكەنت – 2 ملرد تەڭگە.
نومىرلەردىڭ قۇنى ولارداعى ساندار مەن ارىپتەردىڭ بىرەگەيلىگىنە تىكەلەي بايلانىستى:
– 010، 020، … 707 سەكىلدى قاراپايىم كومبيناسيالار 57 اەك تۇرادى.
– سول ساندار، ءبىراق بىردەي ارىپتەرمەن، مىسالى، A010AA قىمباتىراق – 114 اەك.
– تانىمال "دوڭگەلەك" ساندار (100، 111، … 999) 137 اەك، ال قايتالاناتىن ارىپتەرى بولسا 194 اەك.
– 001، 002، … 777 سەكىلدى سيرەك كەزدەسەتىن كومبيناسيالار جوعارى سۇرانىسقا يە. ولاردىڭ باعاسى 228 اەك -دەن باستالادى.
– ەڭ قىمباتى - سيرەك كومبيناسيالى بىردەي ارىپتەرى بار نومىرلەر. ولاردىڭ قۇنى 285 اەك-كە دەيىن جەتەدى.
سونداي-اق، ەڭ قىمبات نومىرلەر 001-دەن 009-عا دەيىنگى ساندارعا تيەسەلى جانە ولاردىڭ قاتارىندا 777 ءنومىرى دە بار. مۇنداي ەكسكليۋزيۆتى كومبيناسيالاردىڭ قۇنى 1 ميلليون 120 مىڭ تەڭگەگە دەيىن بارادى.
سالىستىرمالى تۇردە الساق، قاراپايىم ءنومىردى نەبارى 2،8 اەك – شامامەن 10 مىڭ تەڭگەگە ساتىپ الۋعا بولادى.
سوڭعى ەكى جىلدا شىمكەنتتە ەكسكليۋزيۆتى كومبيناسياسى بار نومىرلەرگە قىزىعۋشىلىق ايتارلىقتاي ارتقان. كولىك يەلەرى اراسىندا قايتالاناتىن ساندارى بار نەمەسە بىرەگەي كومبيناسيالى ساندارى كوپ نومىرلەر ۇلكەن سۇرانىسقا يە.
010، 020، 030، 040، 050، 060، 070، 077، 080، 090، 707 كومبيناسيالارى بار ساندار:
– 2023 جىلى – 1941 نومەر شىقسا، 2024 جىلى 2481 نومەر قولدانىسقا بەرىلگەن، ءوسىم: +27،8 پايىز.
ەگەر مۇنداي ساندار بىردەي ارىپتەردى قامتىسا (مىسالى، A020AA):
– 2023 جىلى نەبارى 13، 2024 جىلى 26 نومەر كولىك يەلەرىنە تابىستالعان، ءوسىم: +100 پايىزدى قۇرايدى.
"دوڭگەلەك" ساندار (100، 111، 200، 222، 300، 333، 400، 444، 500، 555، 600، 666، 700، 800، 888، 900، 999):
– 2023 جىلى – 583 نومەر شىققان بولسا، 2024 جىلى 639 نومەر قولدانىسقا ەنگەن، ءوسىم: +9،6 پايىز.
بىردەي ارىپتەرمەن (مىسالى، B111BB):
– 2023 جىلى – 33، 2024 جىلى 37 نومەر تىركەۋگە الىنعان، ءوسىم: +12،1 پايىزدى قۇراپ وتىر.
بىرەگەي كومبيناسيالار (001، 002، 003، 004، 005، 006، 007، 008، 009، 777):
– 2023 جىلى - 359، 2024 جىلى 482 نومەر شىققان، ءوسىم: +34،3 پايىز.
– قازاقستانداعى كەز كەلگەن كولىك يەسى ساندار مەن ارىپتەردىڭ ادەمى ۇيلەسىمى بار "سۇرانىسى جوعارى" دەپ اتالاتىن ءنومىردى تاڭداي الادى. قاجەتتى ءنومىر مەملەكەتتىك كورپوراسيانىڭ فيليالىندا بولماعان جاعدايدا، وعان مەملەكەتتىك كورپوراسيا ارقىلى نەمەسە ونلاين، ەلەكتروندى ۇكىمەت پورتالى ارقىلى تاپسىرىس بەرۋگە بولادى. قولجەتىمدى نومىرلەر تۋرالى اقپاراتتى تىكەلەي حالىققا قىزمەت كورسەتۋ ورتالىعىندا كورۋگە نەمەسە ونلاين سۇراۋعا مۇمكىندىك قاراستىرىلعان. تاڭدالعان نومىرمەن اۆتوكولىكتى تىركەۋ ءنومىردىڭ ءوزى شىعارىلعاننان كەيىن عانا جۇزەگە اسىرىلادى. ازىرگە مۇنداي نومىرلەردى الۋ ەرەجەلەرىندە ەشقانداي وزگەرىستەر كۇتىلىپ وتىرعان جوق، – دەلىنگەن ق ر ءىىم تۇسىندىرمەسىندە.