بۇعان قوسا 849 مىڭ تەڭگە كولەمىندە ايىپپۇل دا تولەيدى.
مەملەكەتتىك كىرىستەر كوميتەتىنىڭ ءوتىنىشى نەگىزىندە تۋريزم جانە سپورت مينيسترلىگى 2024 جىلعى ساۋىردە جوسپاردان تىس تەكسەرۋ جۇرگىزىپ، ويىن بيزنەسى سالاسىنداعى زاڭنامانى ساقتاماعانى ءۇشىن Ringobet.kz بۋكمەكەرلىك كەڭسەسىن ليسەنزياسىنان ايىردى، دەپ حابارلايدى Almaty-akshamy.kz
«ويىن بيزنەسى تۋرالى» زاڭعا سايكەس، ويىن بيزنەسىن ۇيىمداستىرۋشىنىڭ ءباستى قابىلداۋ سەرۆەرى قازاقستان رەسپۋبليكاسىنىڭ اۋماعىندا ورنالاسقان جەرى بويىنشا بولۋ كەرەك.
كەزەكتەن تىس تەكسەرىس بارىسىندا جوعارىداعى زاڭ تالاپتارىن بۇزعان بىرنەشە فاكتى انىقتالدى. سونىمەن قاتار ليسەنزيا العان كەزدە بۋكمەكەرلىك كەڭسەنىڭ قىزمەتى تۋرالى جالعان اقپارات بەرىلگەن.
وسىعان بايلانىستى اتالعان بۋكمەكەرلىك كەڭسە «اكىمشىلىك قۇقىقبۇزۋشىلىق تۋرالى» كودەكستىڭ 464-بابى 1 جانە 2-تارماقتارى بويىنشا جالپى سوماسى 849 مىڭ تەڭگە كولەمىندە ايىپپۇل ارقالادى جانە بۋكمەكەرلىك كەڭسە ليسەنزياسىنان ايىرىلدى.