اۋىز سۋعا قول جەتكىزە الماي وتىرعان اۋىلداردى تىرشىلىك نارىمەن قامتۋ ءۇشىن ەلدە 2000 شاقىرىم سۋ قۇبىرى سالىنادى.
بۇل تۋرالى ۇكىمەت وتىرىسىندا ايتىلدى، دەپ حابارلايدى Almaty-akshamy.kz 24.kz-كە سىلتەمە جاساپ.
بيىلدىڭ وزىندە اتالمىش باعىتتا 324 جوبانى ىسكە اسىرۋعا 218 ملرد تەڭگە قاراجات بولىنەدى. وسىلايشا، اۋىل حالقىنىڭ 97،8%ء-ىن اۋىزسۋمەن قامتۋ كوزدەلىپ وتىر. سونداي-اق بيىل شىمكەنت، دەرجاۆينسك، شەمونايحا، ەكىباستۇز جانە شاردارا قالالارىن تولىقتاي ورتالىقتاندىرىلعان سۋ جۇيەسىمەن قامتۋ جوسپارلانعان. كەلەر جىلى تاعى 19 قالادا سۋمەن جابدىقتاۋ قۇرىلىسى جۇرگىزىلەدى. بيۋدجەت قاراجاتىن ءتيىمدى پايدالانۋ ماقساتىندا حالىق سانى 200 ادامنان از 810 اۋىلدا جەرگىلىكتى بيۋدجەت قاراجاتى ەسەبىنەن كەشەندى بلوك-مودۋلدەر ورناتىلادى.