پاپا فرانسيسكتىڭ اۆتوكولىكتەرىنىڭ ءبىرى بالالارعا ارنالعان جىلجىمالى مەديسينالىق پۋنكت ەتىپ جاساقتالىپ، گازا سەكتورىنا جىبەرىلەدى.
بۇل ريم پاپاسى دۇنيەدەن وتەر الدىندا ايتقان سوڭعى تىلەكتەرىنىڭ ءبىرى بولعان. ول 2014 جىلى كيەلى جەرلەرگە قاجىلىق جاساعان ءپاپاموبيلدى كاتوليكتىك Caritas Jerusalem قايىرىمدىلىق ۇيىمىنا گازا سەكتورىنداعى اۋىر گۋمانيتارلىق جاعدايدىڭ سالدارىن جويۋعا كومەك كورسەتۋ ءۇشىن بەرۋگە وسيەت ەتكەن، دەپ حابارلايدى aqshamnews.kz.
"بۇل تەك قوزعالىس قۇرالى عانا ەمەس، الەمنىڭ گازا سەكتورىنداعى بالالار تۋرالى ۇمىتپاعاندىعى تۋرالى ۇندەۋ"، - دەپ اتاپ ءوتتى Caritas Swedenء-نىڭ باس حاتشىسى پەتەر بريۋن.
جاڭا جىلجىمالى كلينيكادا دارىگەرلەر مەن سانيتارلار قىزمەت ەتەدى. وسىلايشا، ول گازاعا بارۋ ءقاۋىپسىز بولا سالىسىمەن بىردەن جولعا شىعادى.
ارنايى جۇرگىزۋشىسى مەن دارىگەرلەر بار كولىكتىڭ ىشىندە دياگنوستيكالىق جانە ەمدىك جابدىقتار، سونىڭ ىشىندە ينفەكسياعا ەكسپرەسس-سىناقتار، جارانى تىگۋگە ارنالعان جابدىقتار، ينەلەر، وتتەگى باللوندارى، ۆاكسينا مەن ءدارى ساقتاۋعا ارنالعان توڭازىتقىش بار.
پاپا فرانسيسك بىرنەشە مارتە رەسەي مەن ۋكراينا، سونداي-اق يزرايل مەن حاماس اراسىنداعى سوعىستى توقتاتۋعا شاقىردى. سوڭعى رەت ول ومىردەن وتەرىنەن ءبىر كۇن بۇرىن – پاسحا جەكسەنبىسىندە بەيبىتشىلىككە ۇندەگەن ەدى.