ريددەردەگى جىلۋ ەلەكتر ورتالىعىندا تاعى دا وقىس جاعداي بولدى
شىعىس قازاقستان وبلىسى ريددەر قالاسىندا توتەنشە جاعداي رەجيمى جاريالاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
21 ناۋرىزدا ريددەردەگى جىلۋ ەلەكتر ورتالىعىندا تاعى دا وقىس جاعداي بولعان ەدى. ەكى قازاندىقتا ءورت شىعىپ، ۇيلەردە جىلۋ تەمپەراتۋراسى ازايعان.
سول كۇنى قىزىل جالىن اۋىزدىقتالىپ، جىلۋ ەلەكتر ورتالىعىندا جىلىتۋ ماۋسىمى اياقتالعانعا دەيىن ءورت سوندىرۋشىلەر كەزەكشىلىك ەتەتىندىگى حابارلاندى.
ال 23 ناۋرىزدا ورتالىقتا جارىلىس بولدى.
سوعان وراي بۇگىن ريددەردە وڭىرلىك اۋقىمداعى توتەنشە جاعداي رەجيمى جاريالانىپ وتىر.
«جىلۋ ەلەكتر ورتالىعىنىڭ جۇمىسىندا ۇلكەن كەمشىلىكتەر بار. ونىڭ جاڭا يەسى «RNGK» كومپانياسى قاڭتاردان باستاپ ەشقانداي جۇمىس جۇرگىزبەگەن. وتكەن كەزەڭدە ءۇش ميلليارد تەڭگەدەن استام بەرەشەك قالىپتاستى، مازۋت، كومىر، ەلەكتر ەنەرگياسىن جەتكىزۋدە ولقىلىقتار بولدى. سونىمەن قاتار قاراشا ايىنان باستاپ شۇعىل جوندەۋ جانە قالپىنا كەلتىرۋ جۇمىستارىن جۇرگىزگەن كومپانيالارعا ەڭبەكاقى تولەۋ ءالى كەشىكتىرىلىپ جاتىر»، - دەيدى وبلىس اكىمى دانيال احمەتوۆ.
ونىڭ ايتۋىنشا، ءقازىر جەو-نىڭ جىلىتۋ ماۋسىمىنىڭ سوڭىنا دەيىن جۇمىس ىستەۋىن قامتاماسىز ەتۋ ءۇشىن ورتالىقتى باسقارۋدى اكىمدىك قولعا الۋعا ءماجبۇر.