ەشقانداي ەسكەرتۋلەر تىركەگەن جوق.
الماتى قالاسى بويىنشا ق ر پرەزيدەنتىنىڭ سايلاۋىن جاريالاۋ جونىندەگى باسپا ءسوز ورتالىعىنىڭ الاڭىندا سايلاۋ پروسەسىن باقىلاۋ ماسەلەسى بويىنشا باسپا ءسوز كونفەرەنسياسى ءوتتى، دەپ حابارلايدى Almaty-akshamy.kz.
سپيكەر رەتىندە سۆەردلوۆ وبلىسى زاڭ شىعارۋ جينالىسىنىڭ وڭىرلىك ساياسات جانە جەرگىلىكتى باسقارۋدى دامىتۋ جونىندەگى كوميتەتىنىڭ ءتوراعاسى ميحايل ۆالەريەۆيچ زۋباريەۆ ءسوز سويلەدى.
سپيكەر سايلاۋ كۇنى الماتىدا بولعان بارلىق 17 سايلاۋ ۋچاسكەسىندە داۋىس بەرۋ راسىمدەرى قازاقستان رەسپۋبليكاسىنىڭ كونستيتۋسياسىنا جانە «سايلاۋ تۋرالى» زاڭىنا ناقتى سايكەس وتكەنىن اتاپ ءوتتى.
«بارلىق ۋچاسكەلەردە ءبىزدىڭ ميسسيامىزدان باسقا دا ۇلتتىق باقىلاۋشىلار مەن كانديداتتاردىڭ وكىلدەرى كوپ بولدى. مەن ولارمەن سويلەستىم، ولاردىڭ ەشقايسىسى ەشقانداي ەسكەرتۋلەر تىركەگەن جوق. بۇل سايلاۋ پروسەدۋراسى زاڭدى دەگەندى بىلدىرەدى. قازاقستان رەسپۋبليكاسىنىڭ تۇرعىندارى وسى سايلاۋ ناۋقانىنىڭ ناتيجەلەرىن قابىلدايتىنىنا سەنىمدىمىن. مەن باقىلاعان ۋچاسكەلەردە ەشقانداي زاڭبۇزۋشىلىقتار بولعان جوق"، - دەدى م.زۋباريەۆ.
ول سونداي-اق ولاردىڭ ميسسياسى - قازاقستان رەسپۋبليكاسى تۇرعىندارىنىڭ ەرىك ءبىلدىرۋ پروسەسىنە ارالاسۋ ەمەس، تەك داۋىس بەرۋدى قاداعالاۋ ەكەنىن اتاپ ءوتتى.
«سايلاۋ كوميسسياسىنىڭ مۇشەلەرىنە، باقىلاۋشىلارعا جانە سايلاۋشىلارعا قانداي دا ءبىر كەڭەستەر بەرۋ ءبىزدىڭ مىندەتىمىز ەمەس. سايلاۋ ءراسىمىنىڭ ءوزى-قازاقستان رەسپۋبليكاسى تۇرعىندارىنىڭ ىشكى ماسەلەسى. حالىقارالىق باقىلاۋشىلار ميسسياسىنىڭ مىندەتى-داۋىس بەرۋ پروسەسىنىڭ زاڭدىلىعىن راستاۋ. سايلاۋ پروسەسى كوپ قىرلى جانە قاراپايىم ەمەس جانە ءبارى ونىڭ قىر - سىرىن بىلە بەرمەيدى»، - دەدى سپيكەر.
م. زۋباريەۆ الماتىنىڭ سايلاۋ ۋچاسكەلەرىنىڭ جابدىقتانۋىنا دا توقتالدى. ول بارلىق ۋچاسكەلەر جابدىقتالعانىن، مۇمكىندىگى شەكتەۋلى جاندار ءۇشىن داۋىس بەرۋگە جاعداي جاسالعانىن اتاپ ءوتتى.
«ءار ۋچاسكەدە كوشپەلى داۋىس بەرۋ مۇمكىندىگى قاراستىرىلعان جانە كوپتەگەن ۋچاسكەلەردە ازاماتتار وسى قۇقىقتى پايدالاندى. سايلاۋشىلاردىڭ ەرىك-جىگەرىنە سىرتقى كۇشتەر تاراپىنان ەشقانداي قىسىم بولعان جوق. مۇندا بىزدەن باسقا ميسسيالار مەن ۇلتتىق باقىلاۋشىلار جۇمىس ىستەيدى. سايلاۋ كوميسسيالارىنىڭ جۇمىسى بارىسىندا ەشقانداي بۇزۋشىلىقتار تىركەلگەن جوق»، - دەپ قورىتىندىلادى رەسەي فەدەراسياسىنىڭ سپيكەرى.