ريەۆاكسيناسيا قاجەت پە؟

قالادا ءۇندى شتامىنىڭ پايدا بولۋىنا بايلانىستى ريەۆاكسيناسيا قاجەت پە؟ سوڭعى جاڭالىقتاردان كەيىن تۇرعىندار اراسىندا وسىنداي زاڭدى ساۋال تۋىندادى.

بۇل سۇراققا الماتى قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين جاۋاپ بەردى، دەپ حابارلايدى Almaty-akshamy.kz.

 
«ريەۆاكسيناسيا ماسەلەسى كوتەرىلگەن جوق. ويتكەنى «سپۋتنيك V» ۆاكسيناسى بارلىق بەلگىلى مۋتاسيالانعان شتامداردى ينفەكسيادان قورعايدى. بۇل تۋرالى ۆاكسينا ازىرلەۋشىلەردىڭ رەسمي مالىمدەسى بار. سونىمەن قاتار QazVac ۆاكسيناسى ءۇندى شتامىنا توتەپ بەرە الادى»، - دەدى جانداربەك بەكشين بريفينگتە. 

ونىڭ ايتۋىنشا، الماتىدا كوروناۆيرۋس ينفەكسياسىن قايتا جۇقتىرۋدىڭ 32 جاعدايى تىركەلگەن. 360 مىڭنان استام ادام ۆاكسينا الدى. «قالادا ينفەكسيانى قايتا جۇقتىرۋدىڭ 32 جاعدايى تىركەلدى. «سپۋتنيك V» ۆاكسيناسىنىڭ تيىمدىلىگى 92% كورسەتتى. يممۋنيتەتتىڭ قالىپتاسۋى ادامنىڭ اعزاسىنا بايلانىستى. بىرىندە يممۋنيتەت بار، ەندى بىرىندە ءالسىز»، - دەپ تولىقتىردى ول. 

بۇعان دەيىن الماتىدا 37 جاستاعى ءۇي شارۋاسىنداعى ايەلدەن كوروناۆيرۋستىڭ ءۇندى شتامى تابىلعانىن حابارلاعان بولاتىنبىز.