ج. بەكشين: ءۇندى شتامىنىڭ بەلگىسى سۋىق تيۋگە ۇقساس

جانداربەك بەكشين الماتى تۇرعىندارىنا جاڭا "دەلتا" شتامىن جۇقتىرماۋ ءۇشىن ەكپە الۋعا شاقىردى

وڭىرلىك كوممۋنيكاسيالار قىزمەتى الاڭىندا الماتىنىڭ باس سانيتارلىق دارىگەرى جانداربەك بەكشين قالادا كوروناۆيرۋستىڭ جاڭا ءۇندى شتامى تۋرالى حابارلادى. ونىڭ ايتۋىنشا، رەسەيلىك پەن قازاقستاندىق ۆاكسينالار اتاۋى بەلگىلى مۋتاسيالانعان التى شتامنان قورعايدى.

ج. بەكشين الماتىدا كوروناۆيرۋستى قايتا جۇقتىرعان 32 جاعدايدىڭ تىركەلگەنىن ايتتى. سوندىقتان ءقاۋىپتى ينفەكسيانى، اسىرەسە، ونىڭ شتامدارىن جۇقتىرماس ءۇشىن كوروناۆيرۋسقا قارسى ۆاكسينا قاجەت.

"بۇل شتامدى كوبىنەسە جاستار جۇقتىرادى. باستى سيمپتومى – باس اۋرۋى، تۇماۋ، انگينا، جوعارى تەمپەراتۋرا. ادەتتە ءيىس سەزۋ جوعالمايدى جانە جوتەل بولمايدى"، – دەدى ج. بەكشين.

سونداي-اق "دەلتا" ءىشتىڭ اۋىرۋىمەن، قۇسۋمەن، تىنىس جولىنىڭ تارىلۋىمەن بايلانىستى.

جانداربەك بەكشين تەك ۆاكسينا عانا اۋرۋدى بولدىرماۋعا ءارى ءولىمدى ازايتۋعا سەپتىگىن تيگىزەدى. بۇگىندە الماتىدا 386 222 ادام ۆاكسينالاندى. وتكەن تاۋلىكتە كۆي-دان 5 840 ادام ەكپە الدى.  60 جاستان جوعارى ەكپە العان ادام سانى 49 314 ادامدى قۇرايدى.

باس سانيتارلىق دارىگەر جاستاردىڭ قورعانىس شارالارىنا جاۋاپكەرشىلىكپەن قاراپ، ۆاكسينا الۋعا بارۋلارى كەرەك ەكەنىن ايتتى.