ەءلدىڭ بار نازارى ءقازىر سيرككە اۋعان. ەلىمىزگە بەلگىلى اكروباتتار ونەر كورسەتىپ جاتىر. بالالار دا، اتا-انالار دا تاڭ-تاماشا. ونەرپازدار ءتۇرلى تريۋكتەر جاساپ جاتىر. بۇل تۋرالى Almaty-akshamy.kz Almaty.tv-كە سىلتەمە جاساپ حابارلايدى.
«قالا كۇنى كەرەمەت ءوتىپ جاتىر. اسىرەسە، بالالارعا ۇنادى»، – دەدى قالا تۇرعىنى.
فەستيۆال رەترو ستيلدە ءوتىپ جاتقاندىقتان جول بويىنا ءار ونجىلدىقتا بولعان ەلەۋلى وقيعالاردى ەسكە سالاتىن پاۆيلوندار قويىلعان. سونداي-اق 80 جىلدارداعى اندەر شىرقالىپ جاتىر. ايلىگى كومپوزيتورلاردىڭ ءانىن جۇرت سونداي ءبىر كەرەمەت نوستالگيامەن شىرقاپ جاتىر.
«الماتىلىقتاردى مەرەكەمەن قۇتتىقتايمىز. مەرەكەگە وراي رەتو اندەردى ايتىپ جاتىرمىز»، – دەدى ەركەبۇلان قالامباي «جاڭا عاسىر تەاترىنىڭ اكتەرى.
جۇرەگى الماتى دەپ سوققان كىمنىڭ بولسىن قالا تاريحىنان حابارى بولماۋى مۇمكىن ەمەس. شاھاردىڭ وزىنە ءتان اتموسفەراسى، قالىپتاسۋ جولى بار. قىزىق اڭىزدارى دا جەتەرلىك. سوندىقتان دا فەستيۆالدىڭ نەگىزى قالا تاريحىنا ورىلگەن. 1940-جىلداردان باستاپ بۇگىنگە دەيىن بولعان جارقىن وقيعالار، كەيىپكەرلەر ادەمى كورمە، قويىلىمدار ارقىلى بەرىلەدى.
ەسكە سالايىن، پانفيلوۆ كوشەسىندە الماتى تاريحىنا ارنالعان رەترو فەستيۆال ءوتىپ جاتىر. ءىس-شارا كەشكە دەيىن جالعاسادى.