«قازگيدرومەت» رمك-سى 25-ماۋسىمنىڭ كۇن رايى بولجامىن جاريالادى، دەپ حابارلايدى Almaty-akshamy.kz «قازگيدرومەت» رمك-نا سىلتەمە جاساپ.
كاسىپورىن تاراتقان دەرەكتەرگە قاراعاندا، قازاقستاننىڭ نىڭ بارلىق اۋماعى اتموسفەرالىق فرونتالدى بولىمدەردىڭ ىقپالىندا بولعاندىقتان، جاڭبىر جاۋادى، رەسپۋبليكامىزدىڭ شىعىسىندا نايزاعاي ويناپ، قاتتى جاڭبىر جاۋادى.
تەك رەسپۋبليكامىزدىڭ وڭتۇستىك-باتىسىندا عانا اۋا رايى - جاۋىن-شاشىنسىز. رەسپۋبليكامىزدىڭ باسىم بولىگىندە جەلدىڭ كۇشەيىپ، باتىستا، وڭتۇستىك-شىعىستا، شىعىستا، سولتۇستىكتە، ورتالىقتا بۇرشاق، وڭتۇستىكتە، شىعىستا، ورتالىقتا داۋىل، وڭتۇستىك-باتىستا شاڭدى داۋىل، تۇندە جانە تاڭەرتەڭ سولتۇستىكتە – تۇمان ساقتالادى.
تۇركىستان، ماڭعىستاۋ، جامبىل، اباي وبلىستارىندا، قوستاناي وبلىسىنىڭ وڭتۇستىك جارتىسىندا، شىعىس قازاقستان وبلىسىنىڭ شىعىسىندا، قىزىلوردا وبلىسىنىڭ باتىسى مەن شىعىسىندا، قاراعاندى، ۇلىتاۋ وبلىستارىنىڭ وڭتۇستىگىندە، پاۆلودار وبلىسىنىڭ باتىسىندا، سولتۇستىگىندە، ورتالىعىندا، اتىراۋ وبلىسىنىڭ وڭتۇستىگىندە، شىعىسىندا توتەنشە ءورت ءقاۋىپى ساقتالادى.
جەتىسۋ وبلىسىندا، الماتى، باتىس قازاقستان، اقتوبە وبلىستارىنىڭ وڭتۇستىگىندە جوعارى ءورت ءقاۋىپى ساقتالادى.