قالعان اقاۋلاردى جىلدىڭ سوڭىنا دەيىن جويۋ جوسپارلانعان.
بيىلعى جىلدىڭ 1 قاڭتارىنان 1 قاراشاسىنا دەيىنگى ارالىقتا جول اكتيۆتەرىنىڭ ۇلتتىق ساپا ورتالىعى رەسپۋبليكالىق ماڭىزى بار اۆتوجولدار جەلىسىندە 5 مىڭعا جۋىق اقاۋ انىقتادى، دەپ حابارلايدى Almaty-akshamy.kz
رەسپۋبليكالىق ماڭىزى بار اۆتوجولداردىڭ ۇلتتىق وپەراتورى («قازاۆتوجول «ۇك» اق) بارلىق انىقتالعان اقاۋلاردىڭ 81% (4 مىڭنان استام) جويدى.
ماسەلەن، اقاۋلاردى ۋاقىتىلى جويۋ جۇمىستارى ر-4 «استانا-ەرەيمەنتاۋ-شىدەرتى»، «ششۋچينسك-زەرەندى»، «قىزىلوردا-پاۆلودار-ۋسپەنكا-رف شەكاراسى»، «سەمەي-قاينار»، «وسكەمەن-سەمەي» جانە ت.ب. كۇرە جولداردا جۇرگىزىلدى.
سونىمەن قاتار، «قازاۆتوجول» ۇك» اق تەحنيكالىق ساياسات جانە ساپانى باقىلاۋ دەپارتامەنتىنىڭ قىزمەتكەرلەرى قۇرىلىس-مونتاجداۋ جۇمىستارىنىڭ ساپاسىنا تىكەلەي جاۋاپتى تەحنيكالىق قاداعالاۋ قىزمەتتەرىنىڭ جۇمىسىن جوبانىڭ باسىنان باستاپ پايدالانۋعا بەرىلگەنگە دەيىن تۇراقتى نەگىزدە تەكسەرىپ تۇرادى.
دەپارتامەنت قىزمەتكەرلەرى، اتاپ ايتقاندا، ساراپشىلاردىڭ، زەرتحانالىق جابدىقتاردىڭ جانە تەحنيكالىق ەرەكشەلىككە سايكەس باسقا دا پۋنكتتەردى قاداعالايدى. بيىلعى جىلدىڭ 11 ايىندا تەحنيكالىق قاداعالاۋ قىزمەتىنە سالىنعان ايىپپۇلداردىڭ جالپى سوماسى 100 ملن تەڭگەدەن استى.