بۇگىن ماجىلىستە الداعى 3 جىلعا ارنالعان كەپىلدەندىرىلگەن ترانسفەرت تۋرالى زاڭ جوباسى ماقۇلداندى.
ەكونوميكا ءمينيسترى الىبەك قۋانتىروۆ ۇلتتىق قورداعى قارجى مۇنىمەن كەمىپ كەتپەيدى دەپ سەندىردى، دەپ حابارلايدى Almaty-akshamy.kz.
ونىڭ ايتۋىنشا، الىنعان قارجى مۇنايدان تۇسەتىن تىكەلەي سالىقتاردىڭ كولەمىنەن اسپايدى. ال كەلەر جىلى مۇناي باعاسى باررەلىنە 48،9 اقش دوللارى بولادى دەپ بولجانىپ وتىر.
سونىمەن قاتار، ماجىلىستە رەسپۋبليكالىق جانە ايماقتار مەن رەسپۋبليكالىق ماڭىزى بار قالالاردىڭ بيۋدجەتتەرى اراسىنداعى الداعى 3 جىلعا ارنالعان ترانسفەرتتەردىڭ كولەمى تۋرالى زاڭ جوباسى دا قارالىپ جاتىر. دەپۋتاتتار شىعىس كولەمىن 1،7 ترلن تەڭگەگە كوبەيتۋدى ۇسىندى. قارجىنىڭ نەگىزگى بولىگى ءبىلىم بەرۋ، دەنساۋلىق ساقتاۋ، الەۋمەتتىك سالا، تۇرعىن ءۇي كوممۋنالدى شارۋاشىلىعىنا باعىتتالماق.