رەسپۋبليكالىق اورداگەرلەر جيىنى وتپەك
بەس جىل سايىن ەلىمىزدىڭ تۇكپىر-تۇكپىرىنەن كەلەتىن ارداقتى اقساقالداردىڭ باسىن قوساتىن كەزدەسۋ بيىل قازان ايىندا نۇر-سۇلتاندا وتەدى، دەپ حابارلايدى Almaty-akshamy.kz Almaty.tv-عا سىلتەمە جاساپ.
رەسپۋبليكالىق ارداگەرلەر كەڭەسىنىڭ VIII سەزىنە الماتى قالاسىنان قاتىساتىن دەلەگاتتار بەلگىلى بولدى. بەس جىل سايىن ەلىمىزدىڭ تۇكپىر-تۇكپىرىنەن كەلەتىن ارداقتى اقساقالداردىڭ باسىن قوساتىن كەزدەسۋ بيىل قازان ايىندا نۇر-سۇلتاندا وتەدى. بۇگىن قالالىق ارداگەرلەر ۇيىمىنىڭ ح كونفەرەنسياسىندا باس قوسقان اعا بۋىن وكىلدەرى 5 جىلدىق جۇمىستى قورىتىندىلاپ، الداعى جوسپارلاردى سارالادى.
ارداگەرلەر – ەلدىڭ ۇيىتقىسى، كوشباسشىسى. بۇگىندە قالالىق ارداگەرلەر ۇيىمىنىڭ ءاربىر مۇشەسى - ەلىمىز تاۋەلسىزدىك العان جىلدارى جاۋاپتى قىزمەتتە بولعان تۇلعالار. قالانىڭ وسىپ-وركەندەۋى جولىندا سۇبەلى ۇلەس قوستى، كەيىنگىلەرگە تاعىلىمدى تاربيە بەردى، رۋحاني ازىق بولاتىن ۇلكەن مەكتەپ قالىپتاستىردى. سول سەبەپتى قارتىن قازىناعا بالاپ، تەكتىسىن تورىنە شىعارعان قازاق ۇلكەندەردى قاشاندا جوعارى باعالاعان. بۇگىنگى جيىندا 3 ماسەلە قارالىپ، ءبىرقاتار ۇسىنىستار ەنگىزىلدى.
«بۇل كونفەرەنسيانىڭ ماڭىزى 7-سەزدەن كەيىنگى 6 جىلدىڭ ىشىندە وتەيىندەپ وتىرعان شارا. 9-10 كونفەرەنسيانىڭ اراسى 6 جىل بولىپ وتىر. بۇل الەۋمەتتىك تۇرمىستىق، قارتتاردىڭ جاعدايىن سيپاتتايتىن بەلگىلەنىپ قويىلادى»، – دەدى الاتاۋ اۋداندىق ارداگەرلەر كەڭەسىنىڭ ءتوراعاسى قۇدايبەرگەن قابدولدين.
ارداگەرلەر بۇگىن 9 دەلەگاتتى سايلادى. ولار قازان ايىندا نۇر-سۇلتان قالاسىندا وتەتىن كەلەلى جيىنعا بارادى. كونفەرەنسيادا دەلەگات مۇشەلەرىنە قالالىق ارداگەرلەر كەڭەسىنىڭ ءتوراعاسىن سايلاۋ مۇمكىندىگى بەرىلدى. پلەنۋم مۇشەلەرى ءبىر اۋىزدان بيجانوۆ احان قۇسايىن ۇلىنىڭ كانديداتۋراسىن قولدادى. شاراعا قالا اكىمىنىڭ ورىنباسارى ەرجان باباقۇماروۆ پەن اۋداندىق كەڭەس مۇشەلەرى ZOOM پلاتفورماسى ارقىلى ونلاين قاتىستى.
«بۇل قالامىزدا وتكىزىلىپ وتىرعان اسا ماڭىزدى شارانىڭ ءبىرى. بۇل كەزدەسۋدىڭ تاۋەلسىزدىگىمىزدىڭ 30 جىلدىعى قارساڭىندا وتكىزىلۋىنىڭ ءوزى ۇلكەن سايكەستىك دەر ەدىم. سوڭعى بەس جىل ىشىندە قالامىزدا زەينەتكەرلەر سانى 5 ەسەگە دەيىن ءوستى. ولارعا كورسەتىلەتىن الەۋمەتتىك كومەك تە قالا اكىمدىگىنىڭ قولداۋىمەن ءساتتى جۇزەگە اسىپ كەلەدى»، – دەدى قالالىق ارداگەرلەر ۇيىمىنىڭ ءتورعاسى احان بيجانوۆ.
سونداي-اق، ءقازىر قالادا 232 مىڭعا جۋىق زەينەتكەر بار. جىل سايىن ارداگەرلەر اراسىندا مادەني-سپورتتىق شارالار وتكىزىلىپ، تۋريستىك باعىتتاعى تانىمدىق ەكسكۋرسيالار ۇيىمداستىرىلىپ تۇرادى.