سونىڭ ءبىرى – اسا اۋىلىندا كىشى فۋتبول الاڭى. وسى كۇنگە دەيىن ع.مۇراتبايەۆ كوشەسىنىڭ تۇرعىندارى سپورتپەن اينالىسۋ ءۇشىن تەمىرجول تورابىنان ءوتىپ، سپورت كەشەندەرىندە جاتتىققان. نىسىن قۇرىلىسىن "Energy kaz group" مەكەمە ساپالى اياقتاعان.
تۇرعىنداردىڭ قۋانىشىنا ورتاقتاسۋعا كەلگەن اۋدان اكىمىنىڭ ورىنباسارى ماحپال دوسىمبەكوۆا جۇرتشىلىقتى رەسپۋبليكا كۇنىمەن جانە جاڭا نىساننىڭ سالتاناتتى اشىلۋىمەن قۇتتىقتاپ، سپورت سالاسىندا اتقارىلعان جۇمىستارعا توقتالىپ ءوتتى.
ەكىنشى نىسان – قاراتاۋ اۋىلىنداعى كىشى فۋتبول الاڭى. اۋىل جاستارى كوپتەن بەرى اۋىل مەكتەبىنىڭ سپورت زالىن يگىلىككە پايدالانىپ جۇرگەن. زاماناۋي ۇلگىدە، بارلىق قاجەتتىلىكپەن قامتىلعان سپورت الاڭىن "TOO Ronder" ج ش س جۇرگىزگەن. نىساننىڭ اشىلۋىنا اۋدان اكىمىنىڭ ورىنباسارى نۇرلان نەسىپبەكوۆ قاتىستى.
جالپى، جامبىل اۋدانىندا رەسپۋبليكا كۇنىنە وراي 6 ەلدىمەكەندە امبەباپ سپورت كەشەندەرى، كىشى فۋتبول الاڭى جانە بالالار ويىن الاڭشاسىن ەل يگىلىگىنە بەرۋ جوسپارلانعان. ونىڭ ەكەۋى جوعارىدا اتالعان اۋىلداردا بولسا، 20 قازان كۇنى توعىزتاراۋ اۋىلىندا كىشى فۋتبول الاڭى، 23 قازاندا گرودەكوۆا اۋىلىندا دەنەشىنىقتىرۋ-ساۋىقتىرۋ كەشەنى، بالالار ويىن الاڭشاسى، قىزىلديحان اۋىلىندا كىشى فۋتبول الاڭى، 24 قازاندا ءايشابيبى اۋىلىندا امبەباپ سپورت كەشەنىنىڭ كەرمەسى قيىلادى.
جالپى اۋدان تۇرعىندارىنا 1 ستاديون، 3 سپورت كەشەنى، 42 سپورت زال، 20 ۇلكەن فۋتبول الاڭى، 54 كىشى فۋتبول الاڭى، 16 باسكەتبول الاڭشاسى، 20 ۆولەيبول الاڭشاسى، 12 ستريتۆوركاۋت، 4 امبەباپ الاڭشاسى، يپپودروم، تەننيس كورتى قىزمەت كورسەتەدى.
