بۇل تۋرالى ق ر پرەزيدەنتىنىڭ رەسمي سايتىندا دا جازىلماعان.
جەلىدە ق ر پرەزيدەنتىنىڭ يلون ماسكتىڭ جاڭا پلاتفورماسىنا ينۆەستيسيا سالۋعا ۇندەۋى تارادى، دەپ حابارلايدى Almaty-akshamy.kz
Stopfake.kz ۆيدەونى ديپفەيكتىڭ ونلاين دەتەكتورىنىڭ كومەگىمەن تەكسەرىپ، ونىڭ نەيروجەلى ارقىلى جاسالعانىن انىقتاعان.
ءىرى قازاقستاندىق جانە اعىلشىن ءتىلدى باق-تا يلون ماسك پەن ق ر ۇكىمەتى بىرلەسىپ بەلگىلى ءبىر ينۆەستيسيالىق پلاتفورما ازىرلەگەنى تۋرالى اقپاراتتار جوق. بۇل تۋرالى ق ر پرەزيدەنتىنىڭ رەسمي سايتىندا دا جازىلماعان.
جەلىدە يلون ماسكتىڭ ينۆەستيسيالىق پلاتفورماسى تۋرالى جاريالانىمدار كوپ. ولاردىڭ ءبارىندا اقپاراتتىڭ جالعان ەكەندىگى ايتىلعان. يلون ماسك ءپاسسيۆتى تابىس تابۋ ءۇشىن پلاتفورما جاساعان جوق، ال مۇنداي ستارتاپتارعا اقشا سالۋعا ۇندەۋ – كيبەر الاياقتاردىڭ ءىسى بولىپ تابىلادى.
دەمەك، تارالعان حابارلاماعا سەنبەگەن ءجون. ق ر پرەزيدەنتىنىڭ ۆيدەوسى – ديپفەيك، ال يلون ماسكتا ينۆەستيسيالىق پلاتفورما جوق.