اتىراۋ وبلىسىنىڭ قۇلسارى قالاسىندا سۋ باسقان 14 ۇيدەن سۋ سورۋ جۇمىستارى جالعاستىرىلۋدا. وتكەن تاۋلىكتە 291 754 تەكشە مەتر سۋ سورىلدى، 33 400 قاپشىق جانە 870 ينەرتتى ماتەريال توسەلدى. جايىق وزەنىنىڭ سۋ دەڭگەيىنە مونيتورنينگ، قۇرمانعازى اۋدانىندا بوگەتتەردى نىعايتۋ جۇمىستارى اياقتالدى. ماحامبەت اۋدانى تالدىكول اۋىلىنىڭ اينالاسىندا ءۇيىندى بوگەت سالۋ جۇمىستارى جۇرگىزىلۋدە، دەپ حابارلايدى Almaty-akshamy.kz ق ر تجم-گە سىلتەمە جاساپ.
سولتۇستىك قازاقستان وبلىسىندا سوڭعى 15 كۇندە سۋ باسقان 3 401 ءۇي مەن 667 اۋلا اۋماعىنان سۋدىڭ باعىتى بۇرىلىپ، سۋ سورۋ سورىلدى. قىزىلجار اۋدانىندا ەرىگەن قار سۋى سورۋ جۇمىستارى اياقتالدى. پەتروپاۆل قالاسىنىڭ زارەچنىي كەنتى مەن پودگورا شاعىن اۋدانىندا قۋاتتى سۋ سورۋ تەحنيكاسىن پايدالانا وتىرىپ، 47 جەكە تۇرعىن ءۇي مەن 83 اۋلا اۋماعىنان سۋ سورۋ جۇمىستارى جالعاستىرىلۋدا. تۇرعىنداردى زارەچنىي كەنتىنە تاسىمالداۋ جالعاستىرىلۋدا، ولاردىڭ ءبىر بولىگى ءوز ۇيلەرىنە ورالۋدا.
اقتوبە وبلىسى ىرعىز اۋدانىنىڭ قۇيلىس جانە جايساڭباي اۋىلدارىندا بوگەتتەردى نىعايتۋ جۇمىستارى جالعاستىرىلۋدا. وتكەن تاۋلىكتە 2 450 قاپشىق پەن 280 توننا ينەرتتى ماتەريال توسەلدى.
رەسپۋبليكا بويىنشا 61 151 ادام ءوز ۇيلەرىنە ورالدى. 5 360 ادام ۋاقىتشا ورنالاسۋ پۋنكتتەرىندە قالۋدا. 20،5 ملن ەرىگەن قار سۋى سورلىپ، 11 264 جەكە تۇرعىن ءۇي مەن 3 539 اۋلا اۋماعىنان سۋدىڭ باعىتى بۇرىلدى. 7،8 ملن ارتىق قاپشىق جانە 1،5 ملن توننا ينەرتتى ماتەريال توسەلدى.
اۆاريالىق-قۇتقارۋ جانە سۋ تاسقىنىنا قارسى جۇمىستارعا 7 062 ادام، 983 تەحنيكا، 352 سۋ سورۋ قۇرالى جانە 66 ءجۇزۋ قۇرالى، 6 اۋە كەمەسى جۇمىلدىرىلدى