رەسەيلىك ۆاكسينا ازىرگە وندىرىلمەيدى

«كوۆيۆاك» ۆاكسيناسى جاڭعىرتىلماق

ال ازىرگە رەسەيدە كۆي-گە قارسى «كوۆيۆاك» ۆاكسيناسىن شىعارۋ پرەپاراتتىڭ شيكىزات ءوندىرىسىن جاڭارتۋ ءۇشىن بىرنەشە ايعا توقتاتىلدى. ونىڭ جاپپاي شىعارىلۋى كۇزدىڭ سوڭىنا دەيىن كەيىنگە قالدىرىلدى، دەپ حابارلايدى Almaty-akshamy.kz 

DSM Group باس ديرەكتورى سەرگەي شۋلياك م.پ. چۋماكوۆ اتىنداعى يممۋنوبيولوگيالىق پرەپاراتتاردى زەرتتەۋ جانە دامىتۋ عىلىمي ورتالىعى ءقازىر ۆاكسينا ءوندىرىسىن كەڭەيتۋ ءۇشىن جاڭا جابدىق ورناتىپ جاتقانىن ايتتى، سەبەبى قولدا بار تاجىريبەلىك-ونەركاسىپتىك قۋاتتار ورتالىققا شيكىزاتتىڭ ۇلكەن كولەمىن وندىرۋگە تولىق مۇمكىندىك بەرمەيدى.

«كوۆيۆاكتىڭ» ءوندىرىسىن جاڭعىرتۋ ەكى ايعا سوزىلادى دەپ بولجانادى. باسقا نۇسقاعا سايكەس، چۋۆاكوۆ اتىنداعى ورتالىق ونى ەكسپورتقا دايىنداۋ ءۇشىن شيكىزات شىعارۋدى توقتاتتى. الايدا، ساۋالناماعا قاتىسقان ساراپشىلار ۆاكسينانى جەتكىزۋ كولەمى 2021 جىلى 1،5 ميلليون دوزادان اساتىنىنا كۇمان كەلتىرەدى.

«بۇل ۆاكسيناعا سۇرانىس پارادوكسالدى تۇردە جوعارى بولدى»، دەپ اتاپ ءوتتى RNC Pharma دامۋ جونىندەگى ديرەكتورى نيكولاي بەسپالوۆ.

ماماننىڭ ايتۋىنشا، پرەپارات بەلسەندى ەمەس ۆيرۋسى بار كلاسسيكالىق پلاتفورمادا جاسالعانىمەن تانىمال بولدى.