رەسەيدە قىلمىس جاساعانى ءۇشىن ىزدەۋدە جۇرگەن 31 جاستاعى ەر ادام الماتىدا ۇستالدى، دەپ حابارلادى Almaty-akshamy.kz.
الماتى قالاسىنداعى قىلمىستىق احۋالدى تۇراقتاندىرۋ جانە ق ر كوشى-قون زاڭناماسىن بۇزۋشىلاردى انىقتاۋ ماقساتىندا 11 قىركۇيەك پەن 30 قىركۇيەك ارالىعىندا «جالدامالى» شاراسى ءوتىپ جاتىر.
مەگاپوليستە 4 كۇن ىشىندە 695 كوشى-قون زاڭناماسىن بۇزۋشى اكىمشىلىك جاۋاپقا تارتىلدى. شارا بارىسىندا الماتى پوليسياسىنىڭ قىزمەتكەرلەرى رف سامارا وبلىسىنىڭ پوليسەيلەرىمەن ىزدەۋدە جۇرگەن 1992 جىلى تۋعان قىلمىسقا قاتىسى بار ەر ادامدى ۇستادى.
«قازاقستان رەسپۋبليكاسى اۋماعىندا بولۋ ەرەجەلەرىن بۇزعانى ءۇشىن 209 شەتەلدىك جاۋاپكەرشىلىككە تارتىلسا، شەتەلدىكتەردىڭ ق ر اۋماعىندا بولۋىنىڭ زاڭدىلىعىن قامتاماسىز ەتۋ شارالارىن قولدانباعانى ءۇشىن 122 قابىلداۋشى زاڭدى جانە جەكە تۇلعاعا ايىپپۇل سالىندى. سونىمەن قاتار، جەكە باسىن كۋالاندىراتىن قۇجاتى جوق 206 شەتەل ازاماتى پد-نىڭ قابىلداپ-تاراتۋىنا ورنالاستىرىلدى. 34 شەتەلدىك سوت شەشىمىمەن قازاقستاننان شىعارىلدى»، - دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.