الماتى قالاسى «پەريناتولوگيا جانە بالالار كارديوحيرۋرگياسى ورتالىعى» بازاسىندا الماتى قالاسىن دامىتۋ باعدارلاماسىنىڭ جول كارتاسىنا سايكەس، «AYALA» قايىرىمدىلىق قورىنىڭ جەتەكشىلىگىمەن رف ەڭبەك سىڭىرگەن دارىگەرى، مەديسينا عىلىمدارىنىڭ دوكتورى، پروفەسسور، رف دەنساۋلىق ساقتاۋ مينيسترلىگىنىڭ سولتۇستىك-باتىس فەدەرالدىق وكرۋگى بويىنشا باس اكۋشەر-گينەكولوگى، د.و.وتت اتىنداعى اگجر عزي باس عىلىمي قىزمەتكەرى، سانكت-پەتەربۋرگ قالاسى №17 پەرزەنتحاناسىنىڭ باس دارىگەرى ميحايلوۆ انتون ۆالەريەۆيچ الماتى قالاسىنىڭ اكۋشەر-گينەكولوگتارى، ۋلترادىبىستىق دارىگەرلەرى ءۇشىن اكۋشەرلىك جانە پەريناتولوگيانىڭ وزەكتى ماسەلەلەرى بويىنشا بىرەگەي جانە تانىمدىق شەبەرلىك ساباعىن وتكىزدى.
ءىس-شارانى اشقان الماتى قالاسى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى يمانعالييەۆا نازگۇل مەليس قىزى انا مەن بالا دەنساۋلىعى ەلىمىزدىڭ بولاشاق الەۋەتىنىڭ نەگىزىن قۇرايتىنىن اتاپ ءوتتى. سوندىقتان انا مەن بالا دەنساۋلىعىن ساقتاۋ، تۋۋ كورسەتكىشىن ارتتىرۋ، سونداي-اق انا مەن بالا ءولىمىن ازايتۋ ەلىمىزدىڭ مەملەكەتتىك ساياساتىنىڭ ەڭ ماڭىزدى باعىتى، دەپ حابارلايدى Almaty-akshamy.kz.
الماتى قالاسى اكىمدىگىنىڭ قولداۋىمەن «قالانى دامىتۋدىڭ جول كارتاسى» باعدارلاماسىن جۇزەگە اسىرۋ اياسىندا دارىگەرلەر جاقىن جانە الىس شەتەلدە ۇزدىكسىز ءبىلىم الىپ جاتىر، مەديسينالىق قىزمەت كورسەتۋ ساپاسىن ارتتىرۋ ءۇشىن حالىقارالىق وزىق تاجىريبەنى ەنگىزىپ وتىر. اتالعان شەبەرلىك سىنىبى الماتى قالاسىنداعى اكۋشەرلىك، گينەكولوگيا جانە بالالارعا قىزمەت كورسەتۋدى ودان ءارى جاقسارتۋعا قۇندى ۇلەس قوسادى.
«پەريناتولوگيا جانە بالالار كارديوحيرۋرگياسى ورتالىعى» مەملەكەتتىك كاسىپورنىنىڭ ديرەكتورى نۇرلانوۆا گۇلنار قازتاي قىزى: «ورتالىق 13 جىل بويى جۇكتى ايەلدەرگە، بوساناتىن ايەلدەرگە، جاڭا تۋعان نارەستەلەر مەن تۋا بىتكەن جۇرەك اقاۋى بار بالالارعا جوعارى مامانداندىرىلعان مەديسينالىق كومەك كورسەتەدى. ورتالىق يتاليا، يزرايل، كورەيا جانە رەسەيدىڭ جەتەكشى كلينيكالارىمەن جۇمىس ىستەيدى، قىزمەتكەرلەردىڭ بىلىكتىلىگىن ارتتىرۋ ءۇشىن ءتۇرلى ەلدەن كەلگەن دارىگەرلەردىڭ قاتىسۋىمەن كوپتەگەن شەبەرلىك ساباعى وتكىزىلەدى.
ورتالىقتا 2022 جىلى 8206 بالا دۇنيەگە كەلدى، ونىڭ 840-ى شالا تۋدى. ۇرىقتىڭ تۋا بىتكەن اقاۋىن دەر كەزىندە دياگنوستيكالاۋ ماقساتىندا 2022 جىلدىڭ قىركۇيەگىندە الماتى قالاسىنداعى پەريناتولوگيا جانە بالالار كارديوحيرۋرگياسى ورتالىعىندا ۇرىقتىڭ كۇتىمى ورتالىعى قۇرىلدى. پرەناتالدى دياگنوستيكا ەرتە ارالاسۋدىڭ ءبىرىنشى كەزەڭى بولىپ تابىلادى. ەكىنشى كەزەڭدە قالالىق اكىمدىك پەن «AYALA» قايىرىمدىلىق قورىنىڭ قولداۋىمەن ورتالىقتا نارەستە مەن بالا ءولىمى مەن مۇگەدەكتىك دەڭگەيىن تومەندەتۋگە مۇمكىندىك بەرەتىن ۇرىقتا انىقتالعان تۋا بىتكەن اقاۋدى قۇرساقىشىلىك تۇزەتۋ ءۇشىن ۇرىق حيرۋرگياسىن ەنگىزۋ جوسپارلانعان. سونداي-اق 3-كەزەڭدە بالادا تۋعاننان كەيىنگى اۋىتقۋدى تۇزەتۋ ءۇشىن نەوناتالدى حيرۋرگيانى ۇيىمداستىرۋ جانە ەنگىزۋ جوسپارلانعان»، - دەپ اتاپ ءوتتى.
ارنايى شاقىرىلعان قوناقتاردىڭ قاتارىندا وزبەكستان رەسپۋبليكاسىنان بۇحارا مەملەكەتتىك مەديسينا ينستيتۋتىنىڭ اكۋشەرلىك جانە گينەكولوگيا كافەدراسىنىڭ مەڭگەرۋشىسى يحتياروۆا گۇلچەحرا اقمال قىزى مەن اكۋشەر-گينەكولوگتار بولدى.
اكۋشەرلىك جانە پەريناتولوگيا سالاسىنداعى ساراپشى، پروفەسسور ا.ۆ. ميحايلوۆ جۇكتىلىك جانە بوسانۋ كەزىندەگى ۇرىقتىڭ جاعدايىن باعالاۋدىڭ زاماناۋي ادىستەرىمەن تانىستىردى، انانىڭ Rh-فاكتورى بويىنشا يزويممۋنيزاسيا سالدارىنان ۇرىقتىڭ جانە جاڭا تۋعان نارەستەنىڭ گەموليتيكالىق اۋرۋى ماسەلەلەرىن تالقىلادى، اۋرۋدى ەمدەۋدىڭ زاماناۋي ادىستەرىنە توقتالدى. باياندامانىڭ ۇلكەن بلوگى كوپ جۇكتىلىككە، ونىڭ اسقىنۋىنا، دياگنوستيكالىق ادىستەرگە جانە ىقتيمال تۇزەتۋلەرگە، سونىڭ ىشىندە ۇرىقتىڭ حيرۋرگياسىنا ارنالعان.
شەبەرلىك سىنىبىنىڭ تاجىريبەلىك بولىمىندە دارىگەرلەر كلينيكالىق مىسالدى تالدادى. ەگىز بەن ۇشەمگە جۇكتى ايەلدەر زاماناۋي ساراپتامالىق ۋدز اپپاراتى ارقىلى ۋلترادىبىستىق دياگنوستيكالىق ادىسپەن قارالدى. اكۋشەر-گينەكولوگتار ۋلترادىبىستىق دارىگەرلەرمەن بىرگە وسى ناۋقاستاردى ەمدەۋدىڭ تاكتيكاسى جانە اۋرۋحاناعا جاتقىزۋ مەرزىمىن تالقىلادى. ودان كەيىن پروفەسسور پەرزەنتحانادا بوسانعان ايەلدى ۋلترادىبىستىق زەرتتەۋدەن وتكىزىپ، دارىگەرلەردىڭ ۇجىمدىق جۇمىس ءپرينسيپىنىڭ ماڭىزدىلىعىنا توقتادى، بوسانۋداعى زاماناۋي تاسىلدەر، جاڭا تەحنولوگيالار، سونىڭ ىشىندە بوسانۋ كەزىندەگى ۋلترادىبىستىق ناۆيگاسيامەن ءبولىستى. ۇرىقتىڭ تۋا بىتكەن جانە تۇقىم قۋالايتىن اۋرۋلارىنىڭ پرەناتالدىق دياگنوستيكاسى سالاسىنداعى عىلىمي زەرتتەۋلەر دە قامتىلدى. اكۋشەر-گينەكولوگتار اكۋشەرياداعى توتەنشە جاعدايدا كومەك كورسەتۋ تاجىريبەسىمەن ءبولىستى.
شەبەرلىك سىنىبىنىڭ تاقىرىبى اكۋشەرلىك جانە پەريناتولوگياداعى كۇردەلى ماسەلەلەرگە، سونىڭ ىشىندە ءتيىمدى پەريناتالدىق تەحنولوگيالاردى قولدانۋ ارقىلى زاماناۋي دياگنوستيكا مەن ەمدەۋگە ارنالدى.
شەبەرلىك سىنىبىنا قاتىسۋشىلار ونىڭ جوعارى ۇيىمداستىرىلعانىن، اقپاراتتى تاماشا ۇسىنۋدى، لەكتوردىڭ جەكە قاسيەتتەرىن جانە اۋديتوريامەن جاقسى قارىم-قاتىناسىن اتاپ ءوتتى.
«پەريناتولوگيا جانە بالالار كارديوحيرۋرگياسى ورتالىعىنىڭ» ۇجىمى الماتى قالاسى اكىمدىگىنە، قوعامدىق دەنساۋلىق ساقتاۋ باسقارماسىنا، «AYALA» قايىرىمدىلىق قورىنا جانە جەكە رف ەڭبەك سىڭىرگەن دارىگەرى، پروفەسسور ميحايلوۆ انتون ۆالەريەۆيچكە باعا جەتپەس ءبىلىمى ءۇشىن العىس بىلدىرەدى.
ساپار بارىسىندا پروفەسسور ميحايلوۆ انتون ۆالەريەۆيچ الماتى قالاسى «پەريناتولوگيا جانە بالالار كارديوحيرۋرگياسى ورتالىعىنىڭ» جۇمىسى مەن جابدىقتالۋىن جوعارى باعالاپ، اكۋشەر-گينەكولوگتار مەن ۋلترادىبىستىق دياگنوستيكا ماماندارىنىڭ كاسىبي دەڭگەيىنىڭ جوعارى ەكەنىن اتاپ ءوتتى.
پەريناتولوگيا جانە بالالار كارديوحيرۋرگياسى ورتالىعىندا تۇراقتى تۇردە اكۋشەرلىك، پەريناتولوگيا، بالالار كارديوحيرۋرگياسى سالاسىنداعى الەمگە ايگىلى مامانداردىڭ قاتىسۋىمەن ءتۇرلى شەبەرلىك ساباعى مەن ترەنينگتەر وتكىزىلىپ تۇرادى. جوعارى بىلىكتى مامانداردىڭ قاتىسۋىمەن وتەتىن مۇنداي ءىس-شارالار قالانىڭ بوساندىرۋ قىزمەتىن ودان ءارى جاقسارتۋعا سەپتىگىن تيگىزەدى.