رەسەيلىك دەپۋتاتتى قازاقستان شەكاراسىنان كىرگىزبەي قويدى

رەسەيلىك دەپۋتات كونستانتين ءزاتۋليندى ەلگە كىرگىزبەي قويدى.

بۇل تۋرالى ربك جازدى، دەپ حابارلايدى Almaty-akshamy.kz Elorda.info-عا سىلتەمە جاساپ. 

بۇعان دەيىن زاتۋلين مەملەكەتتىڭ اۋماقتىق تۇتاستىعىنا بىرنەشە رەت كۇمان كەلتىرگەن بولاتىن.

ۆەدومستۆونىڭ حابارلاۋىنشا، كونستانتين ءزاتۋليننىڭ «ساپارى قالاۋسىز دەپ تانىلىپ، پاسپورتتىق باقىلاۋ ايماعىنان وتكىزىلمەدى».

2022 جىلى زاتۋلين قازاقستان تۋرالى بىرنەشە رەت مالىمدەمە جاسادى.

قازاقستان پرەزيدەنتى قاسىم-جومارت توقايەۆتىڭ دحر/لحر-نى مويىنداماۋ تۋرالى سوزىنە تۇسىنىكتەمە بەرە وتىرىپ، ول «قازاقستانداعى ءبىرقاتار وبلىس، حالقىنىڭ باسىم كوپشىلىگى ورىستار تۇراتىن ەلدى مەكەندەردىڭ قازاقستانعا قاتىستىلىعى شامالى» دەپ مالىمدەدى. دۋما دەپۋتاتى ەكى ەل اراسىندا دوستىق، ىنتىماقتاستىق جانە سەرىكتەستىك بولماعاندا «ۋكرايناداعىداي ءبارى مۇمكىن ەدى» دەگەندى دە مەڭزەگەن.

سول جىلى قازاقستاندىق بانكتەردىڭ «مير» كارتالارىن توقتاتۋى تۋرالى سۇراققا جاۋاپ بەرگەن رەسەيلىك دەپۋتات: 

«رەسەيدە قازاقستانعا ءوزىنىڭ الاڭداۋشىلىعىن نەمەسە نارازىلىعىن جەتكىزۋ ءۇشىن پايدالانۋعا بولاتىن مۇمكىندىكتەر بار. دۇنيە جۇزىندە رەسەي فەدەراسياسىمەن قۇرلىقتاعى ەڭ ۇزىن شەكاراسى بار ەل، مەنىڭ ويىمشا، ءبىزدىڭ تاريحي جانە گەوگرافيالىق جاقىندىعىمىزعا قاراماستان، قازىرگى جاعدايدا باتىستىڭ سانكسيالارىنا نازار اۋدارۋعا تىرىسقانى وتە ءقاۋىپتى»، - دەگەن بولاتىن.

وتكەن جىلدىڭ قازان ايىندا كونستانتين ءزاتۋليندى ارمەنياعا كىرگىزبەي قويعان.