بوكستان رەسەي قۇراماسىنىڭ مۇشەسى ازاليا امينيەۆا 2023 جىلى گەندەرلىك سىناقتان وتە الماعان، الايدا بيىل پاريج وليمپياداسىنا قاتىسۋعا مۇمكىندىك العان يمان حەليفپەن قايتا جەكپە-جەك وتكىزۋگە ۇسىنىس تاستادى، دەپ حابارلايدى aqshamnews.kz.
امينيەۆا بۇل تۋرالى ءوزىنىڭ الەۋمەتتىك جەلىسىندە مالىمدەدى.
«سالەم، يمان حەليف! نەگىزسىز حايپتىڭ استىنا قالدىم دەپ ويلامايسىڭ با؟ 2023 جىلى ءۇندىستاندا وتكەن كەزدەسۋ ەسىڭدە شىعار؟ سەنى نوكاۋتقا جىبەردىم. بۇل ءساتتى تاعى دا قايتالاپ، جەڭىسكە جەتۋگە، سەن جول كەسكەن قىزداردىڭ كەگىن قايتارۋعا دايىنمىن. مەن جاۋاپ كۇتەمىن. ۋاقىت كەتتى»، - دەيدى رەسەيلىك بىلعارى قولعاپ شەبەرى.
21 جاستاعى بوكسشىنىڭ ايتۋىنشا، ول 8 تامىزدان باسقا كەز كەلگەن كۇنى، كەز كەلگەن جەردە جۇدىرىقتاسۋعا دايىن. سەبەبى سول كۇنى امينيەۆا كاسىبي رينگتەگى دەبيۋتتىك كەزدەسۋىنە شىعادى.
وسىعان دەيىن امينيەۆا الجيرلىك بوكسشىنىڭ وليمپياداعا قاتىسۋىن سىناپ، حوك-تىڭ شەشىمىن الاياقتىق دەپ تانىعان ەدى. دەگەنمەن، حەليفتىڭ اكەسى قىزىنا قاتىستى تاراعان قاۋەسەتتەردى جوققا شىعارىپ، ونىڭ ترانسگەندەر ەمەس ەكەنىن ايتقان بولاتىن.
يمان حەليفتىڭ ءوزى بولسا وليمپيادا ويىندارىنىڭ فينالىنا شىقتى. ونى وزگە بوكسشى قىزداردىڭ كوبى «ترانسگەندەر» دەپ، ياعني جىنىسىن اۋىستىرعان ەركەك دەپ ايىپتاۋدا. بۇلاي ايتۋىنا حەليفتىڭ تۇر-الپەتى، دەنە-بىتىمى جانە ەر ادامعا ءتان جويقىن سوققىلارى سەبەپ بولعان. ول از دەسەڭىز، بىلتىر الەم چەمپيوناتىندا الجيرلىك بوكسشى گەندەرلىك تەستتەن وتە الماعان.