مارقۇم سناريادتى بولگاركامەن كەسكەن
رەسەيدىڭ ساراتوۆ قالاسىنىڭ تەرگەۋ ورگاندارى سنارياد جارىلىسىنان مەرت بولعان ەر ادامعا قاتىستى تەكسەرۋ جۇرگىزىپ جاتىر، دەپ حابارلايدى Almaty-akshamy.kz «قازاقپارات» اگەنتتىگىنە سىلتەمە جاساپ.
و دۇنيەلىك بولعان ادام ساراتوۆتاعى ءۇيىنىڭ اۋلاسىندا سناريادتى تەمىر كەسكىش قۇرالمەن كەسپەك بولعان
«56 جاستاعى ەر ادامنىڭ مەرت بولۋىنا بايلانىستى تەرگەۋگە دەيىنگى تەكسەرۋ ۇيىمداستىرىلدى. الدىن الا مالىمەت بويىنشا، 23 قازان كۇنى كۇندىز 56 جاستاعى ەر ادام ءوزىنىڭ ءۇيىنىڭ اۋلاسىندا تەمىر كەسەتىن قۇرالدىڭ (بولگاركا) كومەگىمەن سناريادتى كەسپەك بولعان. سول ءساتتا سنارياد جارىلعان. وقيعا ورنىنا شۇعىل جەتكەن توتەنشە جاعدايلار مەن جەدەل جاردەم قىزمەتىنىڭ ماماندارى قانشا جانتالاسقانىمەن ەر ادامدى امان الىپ قالا المادى»،-دەلىنگەن تەرگەۋ كوميتەتىنىڭ باسپا ءسوز قىزمەتى تاراتقان حابارلامادا.
ەر ادامنىڭ وقيعا ورنىندا مەرت بولعانى ايتىلدى. وقيعانىڭ قالعان ءمان-جايى ءالى ناقتىلانىپ جاتىر. سوت-مەديسينالىق جانە جارىلىس-تەحنيكالىق ساراپتاۋ تاعايىندالدى.