رەسەيدە قوقىستىڭ 7%-ى وڭدەلدى
رەسەيدىڭ زەلەنوگراد ماڭىنداعى «جاسىل مىسىق» ەكولوگيالىق الاڭىندا «مۋ مۋ KA» قوقىس مۇراجايى اشىلدى، دەپ حابارلايدى Almaty-akshamy.kz
نىسان - 2016 جىلى كالۋگا وبلىسىندا اشىلعان «مۋ مۋ» قوقىس ونەر مۋزەيىنىڭ فيليالى. ۇيىمداستىرۋشىلاردىڭ ايتۋىنشا، مەكەمەنىڭ نەگىزگى قىزمەتى - ۇتىمدى تۇتىنۋدى ناسيحاتتاۋ، كوركەم بەينەلەر مەن ستاندارتتى ەمەس تاسىلدەر ارقىلى ەكولوگيالىق ءبىلىم بەرۋ، سونىمەن قاتار وتباسىلىق تاقىرىپتىق دەمالىس ۇسىنۋ.
قوقىس مۋزەيى – 2020 جىلدىڭ 19 قاراشاسىندا اشىلعان Green Cat ەكولوگيالىق الاڭىنىڭ بولىگى. ءقازىر وندا «حلامماركەت»، «ەكوماركەت»، قالدىقتاردى بولەك جيناۋ پۋنكتى جانە ءبىرىنشى رەسەيلىك دارەتحانا بۋتيگى جۇمىس ىستەيدى.
رەسەيدە قوقىستىڭ 7%-ى عانا وڭدەلەدى. قالعانىنىڭ ءبارى پوليگونداردا ساقتالادى. Greenpeace مالىمەتتەرى بويىنشا، ەلدەگى قوقىس الاڭى ءقازىردىڭ وزىندە شۆەيساريا اۋماعىمەن سالىستىرۋعا كەلەتىن كولەمگە جەتكەن.