ق ر مادەنيەت جانە اقپارات مينيسترلىگى مەن ۇلتتىق كينو ورتالىعىنىڭ قولداۋىمەن تۇسىرىلگەن «شاتىرداعى ەكەۋ» ءفيلمى حانتى-مانسيي̆سكىدە وتكەن XXIII حالىقارالىق دەبيۋتتىك كينوفيلمدەر فەستيۆالىندە «دۋشا روسسيي. ميروۆوە كينو» نوميناسياسى بويىنشا جەڭىسكە جەتتى، دەپ حابارلايدى aqshamnews.kz مادەنيەت جانە اقپارات مينيسترلىگىنە سىلتەمە جاساپ.
«دۋح وگنيا» – دەبيۋتتىك فيلمدەرگە ارنالعان رەسەيدىڭ جەتەكشى فەستيۆالدەرىنىڭ ءبىرى. فەستيۆال – جاس رەجيسسەرلەر ءۇشىن ماڭىزدى الاڭ. بيىل فەستيۆالدە 14 ەلدىڭ جاڭا فيلمدەرى كورسەتىلدى. ولاردىڭ قاتارىندا مالايزيا، جۇڭگو، وڭتۇستىك كورەيا، جاپونيا، تايلاند، يران، ءۇندىستان، سينگاپۋر جانە باسقا دا ەلدەر بار.
«شاتىرداعى ەكەۋ» ءفيلمى – رەجيسسەر گۇلشات سماعۇلوۆانىڭ دەبيۋتتىك ءفيلمى. وندا ادامنىڭ ءوز ورنىن تابۋى، ماحاببات پەن مەيىرىم سەكىلدى ماڭىزدى تاقىرىپتار قوزعالادى. تۋىندى كەزدەيسوق كەزدەسۋلەر ادام تاعدىرىنا قالاي اسەر ەتەتىنىن باياندايدى.
«روسكونگرەسس» قورىنىڭ جۇلدەسى فيلمدە مادەني، تاريحي قۇندىلىقتار كورسەتىلىپ، ولاردىڭ ءمانى تولىق اشىلعانى ءۇشىن تابىستالىپ وتىر.