ەنەرگەتيكالىق سۋسىنداردى ساتۋعا تىيىم سالاتىن زاڭ جوباسى ازىرلەنۋدە.
دۋما دەپۋتاتتارى ۇكىمەتپەن بىرگە كامەلەتكە تولماعاندارعا ەنەرگەتيكالىق سۋسىنداردى ساتۋعا تىيىم سالاتىن زاڭ جوباسىن ازىرلەپ جاتىر، دەپ حابارلايدى اlmaty-akshamy.kz lenta.ru سىلتەمە جاساپ.
زاڭ جوباسىنىڭ ماقساتى - 18 جاسقا تولماعان تۇلعالارعا الكوگولسىز ەنەرگەتيكالىق جانە تونيك سۋسىنداردى ساتۋعا جول بەرمەۋ. سونداي-اق، مۇنداي سۋسىنداردى كامەلەتكە تولماعاندارعا ساتقانى ءۇشىن ساتۋشىلار مەن كاسىپكەرلەر دە جاۋاپقا تارتىلادى.
دۋمانىڭ قاۋىپسىزدىك جانە سىبايلاس جەمقورلىقپەن كۇرەس جونىندەگى كوميتەتىنىڭ مۇشەسى سۇلتان حامزايەۆ: «ەنەرگەتيكالىق سۋسىنداردىڭ قۇرامىنداعى تاۋرين، كوفەين جانە گۋارانا مولشەرىنىڭ جوعارىلاۋى بالا دەنساۋلىعىنا كەرى اسەر ەتەدى»، - دەيدى.
«بالالار اراسىندا ونسىز دا جۇيكە جۇيەسى، جۇرەك، قان تامىرلارى اۋرۋلارى كوبەيدى. بۇعان ەنەرگەتيكالىق سۋسىنداردىڭ اسەرىن قوسساڭىز، جاعداي مۇلدە قيىن. ەنەرگەتيكالىق كوكتەيلدەردىڭ زياندى ەكەنىن بارلىق دارىگەرلەر ايتادى»، - دەدى دەپۋتات.