18 قاباتتى ءۇيدىڭ تۇرعىندارى ەۆاكۋاسيالاندى.
الماتىدا كوپ قاباتتى ۇيلەردىڭ بىرىنەن ءورت شىعىپ، تۇرعىندار ەۆاكۋاسيالاندى، دەپ حابارلايدى اlmaty-akshamy.kz توتەنشە جاعدايلار دەپاراتامەنتىنىڭ باسپا ءسوز وىزمەتىنە سىلتەمە جاساپ.
3 قاڭتار كۇنى ساعات 10:13 كەزىندە «101» پۋلتىنە برۋسيلوۆسكيي كوشەسى، 167 ۇيدەن ءورت شىققانى تۋرالى حابار كەلىپ ءتۇستى.
«ءورت ءسوندىرۋ بريگاداسى 18 قاباتتى ءۇيدىڭ 4ء-شى قاباتىنداعى ەكi بولمەلى پاتەردىڭ اس بولمەسىن جانە تاعى ءبىر بولمەنى 30 شارشى مەتر اۋماقتا وت شارپىعانىن انىقتادى. قابىلدانعان شارالارمەن ءورتتىڭ تارالۋى 10:44-تە توقتاتىلىپ، 10:59-دا جويىلدى. جالىننىڭ 5ء-شى قاباتقا تارالۋىنا جول بەرىلمەدى. زارداپ شەككەندەر جوق. وقيعا سەبەبى انىقتالۋدا»، - دەلىنگەن تجد حابارلاماسىندا.
ءورتتى سوندىرۋگە 43 مامان مەن 11 بىرلىك تەحنيكا جۇمىلدىرىلدى. گاز-تۇتىننەن قورعاۋ قىزمەتىنىڭ توپتارى 75 تۇرعىندى، ونىڭ ىشىندە 25 بالانى، ءقاۋىپسىز ورىنعا ەۆاكۋاسيالادى. ەۆاكۋاسيالانعان تۇرعىنداردى جىلىتۋ ءۇشىن ارنايى اۆتوبۋس ءبولىندى.