حات جولدانعان كورىنەدى.
"رەسەي تەمىر جولدارى" قازاقستاننان استىقتى ترانزيتتىك تاسىمالداۋ قۇنىن تومەندەتۋدى سۇرايدى، دەپ حابارلايدى Almaty-akshamy.kz Inbusiness.kz cايتىنا سىلتەمە جاساپ.
"رەسەي تەمىر جولدارى" كومپانياسىنىڭ باسپا ءسوز قىزمەتى رەسەيدىڭ ومبى، ورىنبور جانە ءنوۆوسىبىر وبلىستارىنىڭ باسشىلىعىمەن بىرلەسىپ، اتالعان سۇراق بويىنشا "قازاقستان تەمىر جولدارى" كومپانياسىمەن "ديالوگ جۇرگىزىپ جاتقانىن" راستادى. قىركۇيەك ايىندا ەلىمىزگە ءتاريفتى تومەندەتۋ قاجەتتىلىگىنىڭ نەگىزدەمەسى بار حات جولدانعان كورىنەدى.
ەۋرازيالىق ەكونوميكالىق وداقتىڭ نورمالارىندا كورسەتىلگەندەي، وعان مۇشە ەلدەردىڭ اۋماقتارى بويىنشا ترانزيتتىك تاسىمالداۋلار "تمد-نىڭ تاريفتىك ساياساتىنا سايكەس" جۇزەگە اسىرىلادى. مۇندا ستاۆكالار تەمىر جول بويىنشا ىشكى تاسىمالدارعا ارنالعان تاريفتەردەن قاراعاندا الدەقايدا جوعارى كورىنەدى. بۇل ماسەلە 8 قاراشا كۇنى "رەسەي تەمىر جولدارى" مەنەدجەرلەرى مەن "ەدينايا روسسيا" دەپۋتاتتارىنىڭ جابىق كەزدەسۋىندە تالقىلانعان.
رەسەي استىق وداعىنىڭ ۆيسە-پرەزيدەنتى الەكساندر كوربۋتتىڭ ايتۋىنشا، قازىرگى جاعدايدا سانكسيالار سالدارىنان استىقتى جەتكىزۋدە قيىندىقتار تۋىنداعاندىقتان، ءونىمدى قازاقستان ارقىلى تاسىمالداۋ ءتيىمسىز. ول "كورشى رەسپۋبليكا رەسەيلىك استىقتى قايتا ساتۋعا مۇمكىندىك بەرەتىن "باسەكەلەستىك ارتىقشىلىققا" يە بولادى" دەپ ەسەپتەيدى.