رەسەي قازاقستان ءۇشىن قانت كۆوتاسىن جازعى ماۋسىمعا دەيىن تاعى 100 مىڭ تونناعا ارتتىرۋدى جوسپارلاپ وتىر. بۇل تۋرالى 17 مامىردا قازاندا (رف) قازاقستان ۆيسە-پرەمەرى سەرىك جۇمانعارين مەن رەسەي ۇكىمەتى ءتوراعاسىنىڭ ورىنباسارى الەكسەي وۆەرچۋكتىڭ توراعالىعىمەن وتكەن كەزدەسۋدە كەلىسىلدى، دەپ حابارلايدى اlmaty-akshamy.kz.
ۇكىمەتتىڭ مالىمەتىنشە، 2024 جىلعى 3 مامىردا رەسەي ۇكىمەتى وسى جىلدىڭ 31 تامىزىنا دەيىن قانت شىعارۋعا ۋاقىتشا تىيىم سالۋ تۋرالى قاۋلى قابىلداعان بولاتىن.
قازاقستان ءۇشىن 120 مىڭ توننا كولەمى قاراستىرىلعان. قويمالارداعى جانە كۆوتا شەڭبەرىندە بولىنەتىن قولداعى قوردىڭ كولەمىنە قاراماستان، قانتتى تۇتىنۋدىڭ ەڭ جوعارى سانالاتىن جاز ماۋسىمى قارساڭىندا قازاقستاندىق تاراپ ەكىجاقتى كەزدەسۋدە قانت جەتكىزۋ كۆوتاسىن تاعى 100 مىڭ تونناعا ۇلعايتۋ ماسەلەسىن كوتەردى. الدىن الا كەلىسىم الىندى، ەندى كۆوتانى ۇلعايتۋ ماسەلە 29 مامىردا ەەك كەڭەسىنىڭ وتىرىسىندا قارالماق، – دەيدى ۆەدومستۆو.
سونداي-اق، كەزدەسۋدە اعاش ماتەريالدارىن رەسەيدەن قازاقستانعا اكەتۋ ءۇشىن وتكىزۋ پۋنكتەرىنىڭ سانىن كوبەيتۋ ماسەلەسى كوتەرىلدى. ءقازىر قازاقستان-رەسەي شەكاراسىندا تەك 6 وتكىزۋ پۋنكتىنەن شىعارۋ رۇقسات ەتىلەدى. ەندى قازانداعى كەزدەسۋدىڭ قورىتىندىسى بويىنشا، رەسەي تاراپى جاقىن ارادا تاعى 4 اۆتوكولىك وتكىزۋ پۋنكتىن اشۋعا دايىن ەكەنىن ءبىلدىردى.
تاراپتار سونداي-اق ءوزارا ساۋدا اياسىندا تاسىمالداناتىن كولىكتەر مەن جابدىقتارعا ەلەكتروندى ءتولقۇجات بەرۋ ماسەلەلەرى بويىنشا ۋاكىلەتتى قۇرىلىمدار اراسىندا ءوزارا ءىس-قيمىلدى جەدەل ورناتۋعا كەلىستى. سونىمەن قاتار ءشۇلبى ماەس ەكىنشى كەزەگىن سالۋ، ەرتىس سۋلارىن پايدالانۋ بويىنشا جوسپار قۇرۋ جانە باسقا دا ماسەلەلەر تالقىلاندى.
سول كۇنى قازاندا پرەمەر-مينيستردىڭ ورىنباسارى سەرىك جۇمانعارين تاتارستاننىڭ رايسى رۋستام ميننيحانوۆپەن كەزدەستى. وندا قاتىسۋشىلار قازاقستان مەن تاتارستان اراسىنداعى ىنتىماقتاستىقتى نىعايتۋ پەرسپەكتيۆالارىن تالقىلادى. سەرىك جۇمانعارين Kazanforum جۇمىسىنا قاتىسىپ، قازاقستان اتىنان ءسوز سويلەدى، – دەلىنگەن حابارلامادا.