اتىراۋدا اۋدان اكىمىنىڭ جۇبايى كۇيەۋىنەن ءزابىر كورگەندىگى تۋرالى مالىمدەمە تاراتقان بولاتىن. اتالمىش وقيعاعا قاتىستى وبلىس اكىمشىلىگى حابارلاما تاراتقان بولاتىن. بۇگىن وقيعاعا قاتىستى اۋدان اكىمى رينات يبراگيم الەۋمەتتىك جەلى ارقىلى مالىمدەمە تاراتتى، دەپ حابارلايدى اlmaty-akshamy.kz.
قۇرمەتتى الەۋمەتتىك جەلى قولدانۋشىلارى!
بۇگىنگى الەۋمەتتىك جەلىدە بۇرىنعى جۇبايىمنىڭ ۆيدەوۇندەۋىنە قاتىستى تومەندەگىدەي تۇسىنىك بەرىپ وتكىم كەلەدى.
بۇرىنعى جۇبايىمنىڭ مەنىڭ اتىما تاققان نەگىزسىز ايىپتاۋلارىمەن جالعان اقپاراتتارى باق-تا كەڭىنەن تاراپ كەتتى.
جەكە ءومىرىم تۋرالى پىكىر ايتۋدىڭ قاجەتى جوق دەپ سانايمىن.
بۇرىنعى جۇبايىم ءارتۇرلى الەۋمەتتىك جەلىلەردە تاراعان سوڭعى وقيعالارعا بايلانىستى، مەنىڭ لاۋازىمدى تۇلعا ەكەنىمدى بىلە تۇرا، وسىنداي مالىمدەمەلەر جاساپ جاتقان سياقتى.
ءبىزدىڭ ورتاق بالالارىمىز 2 قىزىم مەنىمەن بىرگە تۇرادى. ولار ماحاببات پەن سۇيىسپەنشىلىكتە ءومىر سۇرۋدە.
مۇنداي شەشىم 2 قىزىمنىڭ قالاۋى بويىنشا قابىلدانىپ، بۇدان باسقا بۇل تۋرالى سوتتىڭ زاڭدى شەشىمى دە شىققاندىعىن حابارلايمىن.
شابۋىل جاسادى دەگەن ايىپتاۋلارعا كەلسەك، ءقازىر سوت پروسەسى ءجۇرىپ جاتقاندىعىن جانە دە ب ا ق وكىلدەرىنەن اسىعىس قورىتىندى جاساماۋلارىن سۇرايمىن، دەپ جازدى حابارلامادا.