ۆلاديمير پۋتين قازاقستان پرەزيدەنتىن بۇگىنگى مەرەكەمەن قۇتتىقتادى
رەسەي فەدەراسياسىنىڭ باسشىسى ۆلاديمير پۋتين قازاقستان رەسپۋبليكاسىنىڭ پرەزيدەنتى قاسىم-جومارت توقايەۆقا ۇلتتىق مەيرام – تاۋەلسىزدىك كۇنىمەن قۇتتىقتاۋ جەدەلحاتىن جولدادى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
رەسەي مەملەكەت باسشىسى قازاقستاننىڭ ەكونوميكالىق، الەۋمەتتىك، عىلىمي-تەحنيكالىق جانە باسقا سالالارداعى جەتىستىكتەرىنە جوعارى باعاسىن بەرىپ، سونداي-اق ەلدىڭ الەمدىك ارەناداعى جوعارى ابىرويىن اتاپ ءوتتى.
«ءبىزدىڭ مەملەكەتتەرىمىزدىڭ اراسىنداعى قارىم-قاتىناس ستراتەگيالىق سەرىكتەستىك رۋحىندا قارقىندى دامىپ كەلەدى. ءتۇرلى باعىتتارداعى ەكىجاقتى ىنتىماقتاستىق، سونداي-اق ەۋرازەو، ۇقشۇ، تمد، شىۇ، بۇۇ سياقتى قۇرىلىمدار اياسىنداعى ءوزارا ىقپالداستىق جەمىسىن بەرىپ جاتىر»، - دەپ اتاپ ءوتتى قۇتتىقتاۋىندا رەسەي پرەزيدەنتى.
ۆ.پۋتين ەكى ەل حالىقتارىنىڭ يگىلىگى جانە ەۋرازيالىق قۇرلىقتاعى تۇراقتىلىق پەن قاۋىپسىزدىكتى قامتاماسىز ەتۋ مۇددەسى ءۇشىن قازاقستاندىق-رەسەيلىك كونسترۋكتيۆتى بايلانىسى ودان ءارى نىعايا تۇسەتىنىنە سەنىمىن ءبىلدىردى.