رەسەيدىڭ ومبى قالاسىندا ەتنيكالىق قازاقتار سانى ارتىپ كەلەدى.
وسىعان وراي كورشى ەلدەگى بىرنەشە مەكتەپتەردە قازاق ءتىلى فاكۋلتاتيۆتىك ءپان رەتىندە وقىتىلۋدا. الداعى ۋاقىتتا مەكتەپتەردە كاسىبي ءبىلىم بەرۋگە قابىلەتتى جوعارى بىلىكتى مۇعالىمدەردى وقىتۋ ءۇشىن قازاق جانە ورىس ءتىلى مۇعالىمدەرىن دايارلاۋ باعدارلاماسى جۇزەگە اسپاق، دەپ حابارلايدى اlmaty-akshamy.kz.
بۇل تۋرالى وزبەكالى جانىبەكوۆ اتىنداعى وقپۋ-نە رەسەيدىڭ ومسك پەداگوگيكالىق ۋنيۆەرسيتەتىنەن كەلگەن رەسمي وكىلدەر مالىمدەدى. اتاپ ايتقاندا، ومسك مەملەكەتتىك پەداگوگيكالىق ۋنيۆەرسيتەتىنىڭ عىلىمي جۇمىستار جونىندەگى پرورەكتورى، ەكونوميكا عىلىمدارىنىڭ دوكتورى، دوسەنت يرينا گەراششەنكو، حالىقارالىق ىنتىماقتاستىق ءبولىمىنىڭ باسشىسى ليۋدميلا بيەۆزيۋك، ورىس ءتىلى كافەدراسىنىڭ مەڭگەرۋشىسى ەۆگەنيي ۆيدانوۆ، اركاديي پەترۋسيەۆيچ.
رەسەيلىك عالىمداردى ۋنيۆەرسيتەت باسقارما توراعاسى-رەكتور گۇلجان سۇگىربايەۆا قابىلداپ، ارىپتەس جوو-مەن ىنتىماقتاستىق كەلىسىمشارتتى جاڭارتۋ، اكادەميالىق ۇتقىرلىق، تاعىلىمداما جانە حالىقارالىق باعدارلامالار مەن جوبالار، عىلىمي-زەرتتەۋ جۇمىستارى ماسەلەلەرىن تالقىلادى.
ۋنيۆەرسيتەتتىڭ اكادەميالىق ماسەلەلەرى جونىندەگى پرورەكتورى ا.قۇدىشيەۆا، كافەدرا مەڭگەرۋشىلەرى د.بايعۇتوۆا مەن ە.ورىنبەتوۆاعا ارىپتەس جوو-نىڭ ورىس ءتىلى كافەدراسىنىڭ مەڭگەرۋشىسى ە.ۆيدانوۆ، ا. پەترۋسيەۆيچپەن بىرگە جاڭا جوبانى جۇزەگە اسىرۋعا بايلانىستى ءبىرشاما مىندەتتەر جۇكتەلدى.
بۇگىندە وقپۋ جوعارى ءبىلىم مەن عىلىمدى ينتەرناسيونالداندىرۋ ساياساتىن قارقىندى جۇزەگە اسىرۋدا. ۋنيۆەرسيتەت الەمنىڭ ءتۇرلى گەوگرافيالىق ايماقتارىنىڭ، اتاپ ايتقاندا، ەۋروپالىق وداقتىڭ، شىعىس جانە وڭتۇستىك-شىعىس ازيا، تمد ەلدەرىنىڭ 100-دەن استام جوعارى ءبىلىم بەرۋ جانە زەرتتەۋ ۇيىمدارىمەن ىنتىماقتاستىق تۋرالى مەموراندۋمدار مەن حالىقارالىق كەلىسىمدەرگە قول قويعان.