قازاقستاندىقتار استانا مەن الماتىداعى رەسەي ديپلوماتيالىق وكىلدىكتەرىنە گۇل شوقتارىن اكەلىپ جاتىر.
رەسەي فەدەراسياسىنىڭ قازاقستانداعى ەلشىلىگى قازاقستاندىقتارعا العىس ءبىلدىردى، دەپ حابارلايدى Almaty-akshamy.kz
ماسكەۋدەگى "كروكۋس" ورتالىعىندا بولعان تەراكت سالدارىنان 60-تان استام ادام قازا تاپتى، جۇزدەگەن ادام جاراقات الدى. وسى وقيعادان كەيىن استاناداعى ەلشىلىككە، سونداي-اق الماتىداعى ديپلوماتيالىق وكىلدىكتىڭ عيماراتىنا گۇل اپارىپ جاتقان جانە كوڭىل ايتىپ جاتقان قازاقستاندىقتاردىڭ لەگى تولاستاماي جاتىر. وسىعان بايلانىستى ەلشىلىك قازاقستان حالقىنا ءوز ريزاشىلىعىن ءبىلدىردى.
"قازاقستان باسشىلىعى، قوعام وكىلدەرى، وتانداستار مەن قاراپايىم قازاقستاندىقتار تاراپىنان ماسكەۋدەگى تەراكتىنىڭ سالدارىنان كوپتەگەن ادامنىڭ قازا تابۋىنا بايلانىستى ەلشىلىككە كوپتەگەن قوڭىراۋلار مەن حات-حابارلار ءتۇسىپ جاتىر. كوڭىل ايتقان جانە تىلەكتەستىك ءبىلدىرىپ جاتقان رەسەيدىڭ بارلىق دوستارىنا العىس ايتامىز"، - دەلىنگەن رەسمي حابارلامادا.