الماتىدا ناۋرىز مەيرامىنا ورايلاستىرىلعان «تازارۋ» جالپىۇلتتىق ەكولوگيالىق اكسياسى بارىسىندا 427 تەكشە مەتردەن استام قوقىس جينالدى، 83 بىرلىك تەحنيكا پايدالانىلدى. ەكو-اكسياعا بارلىعى 1500 استام ادام قاتىستى.
ءىس-شارا قالانىڭ بارلىق اۋداندارىن قامتىدى. اۋدان اكىمدىكتەرى شانس قۇرالدارىن (قاپتار، قولعاپتار، تىرمالار، كۇرەكتەر، بوياۋلار، ۆاليكتەر) ۇسىندى.
ەكو-ناۋقان بارىسىندا كىشى الماتى، ەسەنتاي، ۇلكەن الماتى، قارعالى جانە تاستىبۇلاق وزەندەرىنىڭ جاعالاۋى مەن ارنالارىنىڭ اۋماعىندا سۋ ايدىندارىن تازارتۋ جانە ىرگەلەس ۋچاسكەلەردى قوقىستاردان تازارتۋ جۇمىستارى جۇرگىزىلدى. سونىمەن قاتار، وزەندەردىڭ جاعالاۋ بولىكتەرىن قوقىستاردان، وسكىندەردەن تازارتۋ، قوقىسقا ارنالعان جاشىكتەردى، ورىندىقتاردى بوياۋ، شاعىن ساۋلەت نىساندارىن جۋۋ جۇمىستارى جۇرگىزىلدى.
الماتى قالاسىنىڭ ەكولوگيا جانە قورشاعان ورتا باسقارماسى تۇركسىب اۋدانىنىڭ اكىمدىگىمەن بىرلەسىپ اۋەجاي كولىنىڭ جاعاسىندا قالانىڭ جاسىل قورىن ساقتاۋ جانە كوگالداندىرۋ ماقساتىندا 100-دەن استام اعاش وتىرعىزدى.
