رەسەي دونەسك جانە لۋگانسك حالىق رەسپۋبليكالارىنىڭ تاۋەلسىزدىگىن مويىنداپ، ولارمەن دوستىق، ىنتىماقتاستىق جانە كومەك كورسەتۋ تۋرالى كەلىسىمدەر جاسادى.
ءتيىستى قۇجاتتارعا دۇيسەنبى كۇنى كەشكە رەسەي پرەزيدەنتى ۆلاديمير پۋتين قول قويدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇعان دەيىن رەسەيلىكتەرگە جولداعان ۇندەۋىندە مەملەكەت باسشىسى ۋكراينادان دونباستاعى شايقاستاردى دەرەۋ توقتاتۋدى تالاپ ەتتى، ايتپەسە، «قىرعىن جالعاسقان جاعدايدا توگىلۋى مۇمكىن ادام قانى» كييەۆتىڭ موينىندا بولاتىنىن اتاپ ءوتتى.
سونىمەن قاتار قاۋىپسىزدىكتى ساقتاۋ تۋرالى ۇسىنىسقا باتىس سىندارلى جاۋاپ قاتپاسا، ماسكەۋ «جاۋاپ بەرۋگە» تولىق قۇقىلى ەكەنىن ەسكەرتتى. حرونومەتراج بويىنشا، پرەزيدەنتتىڭ قازىرگى ۇندەۋى ەڭ ۇزاق بولدى جانە مەملەكەت باسشىسىنىڭ فەدەرالدى جينالىسقا جولداۋىمەن سالىستىرىلادى.