2025 جىلدىڭ 5 قاڭتارىندا اتىراۋ وبلىسىنىڭ پوليسياسى رەسەيدىڭ ىشكى ىستەر مينيسترلىگىنەن قازاقستاننىڭ ىىم-نە "گارمالا" وسىمدىگىنىڭ زاڭسىز اينالىمىنا قاتىستى ەسكەرتۋ جولدانعانى تۋرالى مالىمدەدى، دەپ حابارلايدى aqshamnews.kz
"رەسەي فەدەراسياسىنىڭ ىشكى ىستەر مينيسترلىگى قازاقستان ازاماتتارىنىڭ رەسەيگە كىرگەن كەزدە پسيحوتروپتىق الكالويدتار بار "گارمالا" وسىمدىگىنىڭ زاڭسىز اينالىمى ءۇشىن قىلمىستىق جانە اكىمشىلىك جاۋاپكەرشىلىككە تارتىلاتىنىن ەسكەرتۋ ماقساتىندا ەسكەرتپە حات جولدادى،" – دەلىنگەن اتىراۋ وبلىسى پوليسيا دەپارتامەنتىنىڭ حابارلاماسىندا.
قازاقستاندا بۇل وسىمدىك ادىراسپان اتاۋىمەن تانىمال. رەسەيدە ول قۇرامىنداعى پسيحوتروپتىق زاتتارعا بايلانىستى تىيىم سالىنعان وسىمدىكتەر تىزىمىنە ەنگىزىلگەن.
2024 جىلدىڭ جازىندا قازاقستاننىڭ باس پروكۋراتۋراسى وسى تىيىمعا بايلانىستى ازاماتتارعا ەسكەرتۋ جاساعان بولاتىن. ادىراسپان قازاقستاندا ءداستۇرلى مەديسينادا كەڭىنەن قولدانىلعانىمەن، رەسەيدە بۇل وسىمدىك زاڭدى شەكتەۋلەرگە ۇشىراپ وتىر.