الاياقتار قازاقستاندىقتاردى جاڭا تاسىلمەن قۇرىققا ءتۇسىرىپ، الداۋدا.
ەندى ولار ەلەكتروندى پوچتاعا ايىپپۇل سالىنعانى تۋرالى جالعان قۇجات حابارلامالار جىبەرىپ ءجۇر، دەپ حابارلايدى aqshamnews.kz.
دەرەكتەرگە سۇيەنسەك، جىبەرىلگەن حابارلامالاردا سوتتىڭ ءمورى، سۋديانىڭ ءاتى-جونى، سوت وتىرىستىڭ كۇنى مەن ۋاقىتى كورسەتىلگەن. وندا "كوممۋنالدىق قارىزدان" باستاپ "تىيىم سالىنعان كونتەنتتى تاراتتى" دەگەن زاڭ بۇزۋشىلىق جاسادى دەپ ايىپتايدى.
بىر-ەكى كۇننەن كەيىن الاياقتار قوڭىراۋ شالىپ، "پروكۋراتۋرا قىزمەتكەرىنىڭ" نەمەسە "تەرگەۋشىنىڭ" داۋىسىمەن سويلەپ، ەگەر كۇننىڭ سوڭىنا دەيىن ايىپپۇل تولەمەسەڭىز، پوليسيانىڭ كەلەتىنىن ايتادى. نەعۇرلىم سەنىمدى بولۋ ءۇشىن الاياقتار ءسىزدىڭ مەكەن-جايىڭىزدى نەمەسە ءجسن-دى اتاي الادى.
سىزدەن تەرمينال ارقىلى نەمەسە "رەسمي شوتقا" اقشا اۋدارۋ سۇرالادى (بۇل شىن مانىندە الاياقتاردىڭ كارتاسى).
كوبىە ادامدار سوتپەن باس قاتىرىپ جۇرمەس ءۇشىن الاياقتارعا اقشا جىبەرىپ الدانىپ جاتادى. ولاردىڭ ءوزى دە ناقتى دەرەكتەر كورسەتىپ، سەنىمگە كىرەدى.
قۇرىققا تۇسپەس ءۇشىن ەگەر سونداي حات كەلسە، رەسمي تەلەفون نومىرلەرى ارقىلى ورگاندارعا حابارلاسىڭىز. دۇربەلەڭگە تۇسپەي، سوت ىستەرى قوڭىراۋ مەن كارتالارعا اقشا اۋدارۋمەن شەشىلمەيتىنىن ۇمىتپاڭىز. قوڭىراۋلارعا سەنبەڭىز. قۇقىق قورعاۋ ورگاندارىنىڭ ناعىز قىزمەتكەرلەرى سىزگە مۇنداي تالاپتارمەن قوڭىراۋ شالمايدى.
شوتتاردى تەكسەرىڭىز. كەز-كەلگەن “رەسمي شوتتى" بانك ارقىلى تەكسەرۋگە بولادى.